HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2923 İzmir Merkezi Faʻâliyeti Merkezin Büdcesi İzmir merkezinin 1926 senesi büdcesi 74.000 lira vâridât ve 40.000 lira masârıfât olarak kabûl ve tasdîk edilmiş idi. İlk altı ay zarfında 38.062 lira 15 kuruş vâridât teʼmîn eden İzmir merkezi meblağ-ı mezbûrdan dispanserlerle kendi masârıf-ı idâresi için 22.072 lira 76 kuruş sarf etmiş ve merkez-i umûmîmize 10.000 lira irsâlâtda bulunmuşdur. Merkezin intizâm-ı mesâʻî ve muʻâmelesi merkez-i umûmîmizin mazhar-ı takdîri olmuşdur. *** Dispanserler İzmir şehrinde her türlü ihtiyâcı kâfil iki ve Torbalı-Tepeköy çiftliğinde bir ki, cemʻan üç dis- panseri hüsn-i idâre eden İzmir [561] merkezi, dispanserlerin her ay ilâc vesâire için 2.000 liraya karîb bir meblağı mesâʻî ve teşebbüsâtıyla teʼmîn etmede ve binlerce hastayı emsâline makîs olmaya- cak bir sûretde büyük bir ciddiyetle tedâvî etdirerek halkın Hilâl-i Ahmer'e karşı hürmet ve muhabbe- tini tezyîde vâsıta olmakdadır. Birecik'de Kurbân Bayramı'nda rozet tevzîʻ eden talebe ile Hilâl-i Ahmer şuʻbe heyʼeti Groupe distribuant la fleurette du C.R. à Birédjik Sarıkız Ma ʻ den Suyu Memleketimizin hıfzıssıhhasına ve dolayısıyla iktisâdiyâtına hizmet edebilmek üzere Alaşe- hir'de Sarıkız maʻden suyu Hilâl-i Ahmer nâmına işletilmek üzere İzmir merkezince devren alınmış ve istihsâlât ile sarfiyâta başlanmışdır.