HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3346 Lehistan Lehistan Salîb-i Ahmeri el-yevm bir ziyâretçi hastabakıcı mektebini teʼsîs etmekle meşgûldür. Teʼsîs edilecek mektebde tedrîsât iki sene üzerine müretteb olup birinci sene ihzârî derslerle hastahâne stajlarına ve ikinci sene ziyâretçi hastabakıcı vezâif ve mesâʻîsinin şuʻabât-ı muhtelifesine hasredilecekdir. Tâlibât, stajlarını mekteb heyʼet-i tedrîsiyesinin nezâreti altında dispanserlerle hıfzıssıhha mer- kezlerinde yapacaklardır. Ziyâretçi hastabakıcı mektebi gelecek Nisan ayı zarfında küşâd edilecek ve on beşden fazla tâlibât kabûl edemeyecekdir. Lehistan Salîb-i Ahmeri'nin ayrıca 10 verem dispanseri ve hastabakıcı yurdu olarak muʻazzam bir binâsı vardır. Yurdda Harb-i Umûmî'de hastabakıcılık edenlere meslekî bir terbiye vermek üzere husûsî kurs- lar tertîb olunmuşdur. _______________ Bulgaristan Hastabakıcı teşkîlâtı Bulgar Salîb-i Ahmeri, hastabakıcı teşkîlâtına 1900 senesinde başlamışdır. Bu târîhde genç Bul- gar kızlarına mecrûhîn tedâvîsi sanʻatını taʻlîm etmek üzere Bulgar Salîb-i Ahmeri tarafından iki Rus şefkat hemşîresi daʻvet edilmişdir. 1901 senesinde hemşîreler Rusya'ya avdet etdiler ve şehâdetnâme alan ilk yedi hastabakıcı bazı etıbbânın muʻâveneti ile alt tarafdaki sınıfların tâlibâtını terbiye ve tedrîs etdiler. Teşkîl olunan bu ilk mektebde hasta için yalnız sekiz yatak bulunduğundan hastabakıcılar dürûs-ı tatbîkiye ve ameliyeyi büyük umûmî bir hastahâne olan Alexandre Hastahânesi'nde görmek- de idiler. Hastabakıcı mektebinden 23 sene zarfında nısfı henüz icrâ-yı sanʻat eden 274 hastabakıcı ye- tişmişdir. Hastabakıcı teşkîlâtına pek ziyâde alâkadâr olan Kraliçe Eleanor'un teşvîkâtıyla bilâhare bir Amerika hastabakıcının idâresi altında asrî bir hastabakıcı mektebinin teʼsîsi düşünülmüş ve fakat Harb-i Umûmî bu ümniyenin tahakkukuna mâniʻ olmuşdu. 1922 senesi Teşrîn-i Evvel'inde Amerika'dan bir [289] müdire ile bir muʻâvin celb ve mektebin resm-i küşâdı Bulgar Salîb-i Ahmeri tarafından 1923 senesi Mart'ında icrâ edilmişdir. Bulgar Hastabakıcı Mektebi ayda 30 ameliyât yapan ve günde 30 hâricî hastayı muʻâyene ve tedâvî eden 120 yataklı bir hastahâneye merbûtdur. Hastabakıcı yurdu, hastahânenin bulunduğu bâğçe dâhilinde kâin olup 60 hastabakıcı alabile- cek vüsʻatde asrî her türlü techîzâtı câmiʻdir. Mekteb için propaganda olmak üzere tâlibât yüksek tahsîl görmüş genç kızlar arasından intihâb edilmekdedir. En az altı senelik jimnaz tahsîlini görmüş olmak şerâit-i kabûldendir.