HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3347 Bulgar Hastabakıcı Mektebi 1924 senesi Ağustos'unda Maʻârif-i Umûmiye Vekâletince mekâtib-i tâliye ıdâdına idhâl edilmişdir. Mektebin bugünkü mevcûdu 47'dir ve tâlibâtın bir kısm-ı mühimmi jimnazlardan meʼzûndur. Üç sene olan devre-i tahsîliyenin ilk üç ayı ihzârî mâhiyetdedir. Derslerin kısm-ı aʻzamı nazariyâta, küçük bir kısmı hastahânede tatbîkâta ve son dokuz ayı husûsî şuʻbelerde tahsîl ve tedrîse veya has- tahânelerin tarz-ı idâresine tahsîs edilmişdir. Yekûnu 585 sâʻat teşkîl eden tahsîl-i nazarî, en mükemmel Amerika hastabakıcı mektebleriyle mukâyese edilebileceği söylenmekdedir. Tâlibât, tabâbet ve cerrâhîye âid amelî stajlarını mekteb hastahânesinde görmekdedir. Ziyâretçi hastabakıcı kısmı teşekkül etmek üzeredir. Sofya'da muhtelif beş mahalde küşâd olu- nan çocuk bakım merkezlerinin idâreleri Salîb-i Ahmerler Heyʼet-i İttihâdiyesi Beynelmilel Has- tabakıcı Mektebi'nden meʼzûn hastabakıcılara tevdîʻ edilmiş ve merâkiz-i mezkûrenin beherine üç hastabakıcı verilmişdir. _______________ Japonya Salîb-i Ahmeri Hastabakıcılar Japonya'da hastabakıcılar Salîb-i Ahmer hastabakıcı mekteblerinden meʼzûndurlar. Mektebin tahsîl müddeti üç senedir. Program her mekteb için birdir. Ücret-i tahsîliye, tâlibâtın ibâte, iʻâşe ve ilbâs masârıfı cemʻiyete âiddir. Tâlibât şehâdetnâme aldıkdan sonra Salîb-i Ahmer imdâd ve muʻâvenet heyʼetlerine iltihâk eder ve baʻdehû tescîl olunur. Diploma alan her hastabakıcı hemşîre gerek zamân-ı harbde gerek âfât ve mesâib vukûʻunda tâm on iki sene için Salîb-i Ahmer'in herhangi bir daʻvetini kabûle mecbûrdur. Japon Salîb-i Ahmeri, hastabakıcı teşkîlâtına 1890 senesinde başlamışdır. Cemʻiyet tarafın- dan müesses 21 hastabakıcı mektebinden 8.783 hemşîre yetişmişdir. Bunlardan 300'ü başhemşîredir. 4.669 hemşîrenin de hizmet-i mecbûriyesi henüz hitâm bulmamışdır. Bir harb veya felâket vukûʻunda cemʻiyetin kendi mâlı olan hastabakıcılar ihtiyâca kâfi gelme- diği takdîrde diğer müessesâtın yetiştirdiği hastabakıcılara mürâcaʻat edilir. Müdür-i Mesʼûl: Arif Süleyman