HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2924 Havâss-ı şifâiyesi iʻtibârıyla bi'l-umûm maʻden sularına fâik bulunan Alaşehir maʻden suyunun menbaʻında yeniden tathîrât yapdırılarak suyun bir kat daha sâfiyeti teʼmîn olunmuşdur. Türkiye'nin her tarafında tanınmış olan Alaşehir maʻden suyu memâlik-i ecnebiyede ve bilhâssa Mısır'da büyük bir rağbete mazhar olmuşdu. Evvelce her sene yalnız İskenderiye'ye iki yüz bin şişe sevkiyât yapılmakda iken mütevâlî muhârebelerin teʼsîriyle dûçâr-ı taʻtîl olan bu sevkiyâtın ihyâsına çalışılmakda ve muvaffakiyet husû- lü meʼmûl edilmekdedir. *** Hareketzedelere Muʻâvenet Fethiye, Marmaris, Köyceğiz ve havâlîsi [562] hareketzedelerine muʻâvenetde bulunmak üzere teşkîl edilen bir heyʼet-i mahsûsa mahalline iʻzâm kılınmış ve yirmi gün kadar îfâ-yı vazîfe etdikden sonra avdet eylemişdir. Heyʼet-i mezkûre felâketzedegânından açıkda bulunanları berâberinde getirdiği çadırlara iskân ederek esbâb-ı istirâhatlerini teʼmîn ve en mübrem ihtiyâclarının tedârükü için de nakden 10.000 lira- yı mütecâviz bir meblağ tevzîʻ etmişdir. *** Bir Hilâl-i Ahmer Hastahânesi Teʼsîsi Hilâl-i Ahmer hidemâtının yalnız seferberlik ve harb zamânlarına münhasır olmadığını ve hâl-i hazerîde de menâfiʻ-i umûmiyeye hâdim yardımları ihzâr ve îfâya sâʻî olduğunu ızhâr edebilmek için İzmir'de fennin son terakkiyâtına göre umûmî ve husûsî bir hastahâne ile fennî ve sıhhî banyolar vesâire vücûda getirilmesi karârlaştırılmış ve bunun için ihtiyâca kâfi emlâk ve arâzî satın alınmışdır. *** Belediyenin Muʻâveneti Hilâl-i Ahmer Cemʻiyeti'nin îfâ etdiği muʻâvenet ve yardımlara medâr olmak üzere İzmir Be- lediyesi cemʻiyet nâmına büdcesine 5.000 lira tahsîsât koymuş olmakla berâber İzmir'de cemʻiyetin ulviyetiyle mütenâsib bir dâire inşâ etdirilmek üzere şehrin en şerefli bir mevkiʻinde arsa ihdâsını taht-ı karâra almış ve muʻâmele-i kânûniyesinin ikmâli kuvve-i karîbeye gelmişdir. _______________ İstanbul Merkezi Faʻâliyetlerinden İstanbul merkezi veremle mücâdele eden cemʻiyetlere yardım etmeğe karâr vermişdir. Ez-cümle dispanserlere berây-ı tedâvî mürâcaʻat eden ilk devreli veremlilere yemek, elbise vesâire tevzîʻi ve muvakkat bir zamân için bunların iʻâşe ve istirâhatlerinin teʼmîni takarrür etmişdir.