HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2926 4-Sıhhati tâm olmak. (Sıhhî muʻâyene yapılacakdır.) 5-Müteehhil olmamak. Evvelce evlenmiş ve dul kalmış ise çocuğu bulunmamak 6-Mektebin taʻlîmâtına riʻâyeti ve tahsîli terk târîhine kadar ihtiyâr olunan masârıfın tazmînini tahrîren taʻahhüd etmek Bu sene elli tâlibe alınacakdır. Mürâcaʻat edenlerin adedi fazla olursa müsâbaka imtihânı yapı- lacakdır. Orta tahsîl görmüş olanlar mürâcaʻat fazla olsa da tercîhen ve imtihânsız kabûl olunacakdır. Kayıd muʻâmelesi Eylül nihâyetine kadardır. Tâlibelerin bütün tahsîl müddetince iʻâşe, ibâte ve ilbâs- ları mekteb tarafından teʼmîn edildiği gibi münâsib mikdâr harclık da verilir. _______________ İstanbul Merkezine Mülhak Şuʻabât Beyoğlu ve Üsküdar Hilâl-i Ahmer merkezlerinin şuʻbe hâline ifrâğıyla İstanbul merkezine rabt edilmesi taht-ı karâra alındıkdan sonra İstanbul vilâyeti dâhilinde Hilâl-i Ahmer teşkîlâtı âtîdeki on dört şuʻbeye taksîm edilmişdir: 1-Adalar Şuʻbesi 2-Çatalca Şuʻbesi 3-Silivri Şuʻbesi 4-Büyükçekmece Şuʻbesi 5-Bakırköy Şuʻbesi 6-Şile Şuʻbesi 7-Kartal Şuʻbesi 8-Kadıköy Şuʻbesi 9-Üsküdar Şuʻbesi 10-Anadoluhisarı Şuʻbesi 11-Beyoğlu Şuʻbesi 12-Beşiktaş Şuʻbesi 13-Yeniköy Şuʻbesi 14-Kasımpaşa Şuʻbesi _______________ [564] Kanada'da Türkiye Hakkında Bir Konferans Mecmûʻa mız "İctimâʻî Hıfzıssıhha" makâlâtı muharriri, erkân-ı tahrîriyemizden Amerika'da hıfzıssıhha-i ictimâʻî ve tabâbet-i tahaffuziye tetebbuʻunda bulunan Doktor Zeki Nâsır Bey bu kere Kanada'nın Toronto şehrindeki hastabakıcılar merkezinde verilen bir ziyâfeti müteʻâkib Türk Kadın- lığı, yeni nesil ve bilhâssa hastabakıcılığımız hakkında bir sâʻat kadar pek müfîd maʻlûmât vererek alkışlanmış ve memleketimiz hakkında büyük bir alâka uyandırmışdır. _______________