HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2941 [574] Amerika Salîb-i Ahmer Merkez-i Umûmîsi etıbbâ, hastabakıcı, muhâsib vesâir meʼmûrî- nin esâmî ve adreslerini hâvî bir defter tanzîm etmişdir. Bir vazîfe ile istihdâm edildikleri zamân maʻâşa kesb-i istihkâk edecek olan bu meʼmûrîn vekâ- yiʻ-i müstaʻcelede Salîb-i Ahmer tarafından telgrafla vukûʻ bulacak mürâcaʻata hemen icâbet etmek mecbûriyetindedirler. Bu usûl sâyesinde bir felâketi taʻkîb eden ilk müşkil sâʻatlerde birçok hayât-ı beşeri kurtarmak, ıztırâbâtı tahfîf etmek, bîhûde mesâʻîye meydân vermemek için müretteb muʻâvenet vakt ü zamânıyla mahalline sevk u îsâl edilerek izâʻa-i vakt edilmemiş oluyor. Amerika Salîb-i Ahmeri'nin İmdâd ve Muʻâvenet Dâiresi müdürü tarafından geçenlerde verilen konferansda ale'l-acele yapılacak hastahâne, matbah ve mesken ve melceʼlere ve âilelere tevzîʻ olu- nacak muʻâvenât-ı nakdiyeye dâir pek mufassal maʻlûmât verilmiş ve buna müşâbih kursların San Francisco'da da tertîbi takarrür etmişdir. _______________ Almanya Almanya Salîb-i Ahmeri, hastabakıcılık teşkîlât ve vezâifini gösteren yeni bir film tertîb etmişdir. Birçok Salîb-i Ahmer merkez ve şuʻbe rüesâsı ile etıbbâ ve belediye heyʼetleri, hastabakıcı- lar ve muhtelif müessesât-ı hayriye aʻzâsı huzûrunda bu film ilk defa 15 Mayıs'da umûmun seyr u temâşâsına arz edilmişdir. Filmi temâşâ edenler bu şefkat hemşîrelerinde meslekleri için ta çocukluklarından başlayan meyil ve istiʻdâdı gitdikçe mütezâyid bir merâkla taʻkîb etmişlerdir. Hastabakıcıların mektebe devâm etdiklerini görmüşler, tahsîllerinin safahât-ı muhtelifesinde hâzır bulunmuşlar ve imtihân-ı nihâîlerinde geçirdikleri heyecânlı dakîkalara şâhid olmuşlar, şehâ- detnâme ahzına kesb-i istihkâk edenlerin bî-pâyân sevinçlerine iştirâk etmişlerdir ve sonra beşeriyet uğrunda fevkalâde fedâkârlığı istilzâm eden muhtelif vazîfe ve faʻâliyet sâhalarını seyrederken hasta- bakıcı mesleğinin rûh ve mâhiyet-i muʻallâsını anlamışlardır. Bundan sonra film sâhil-i bahrda, ormanlar arasında, dağlarda ve'l-hâsıl latîf ve hârikulâde menâzır-ı tabîʻat içinde hastabakıcıların nasıl istirâhat etdiklerini göstermişdir. Hastabakıcıların hayât-ı yevmiye sahnelerinden büyük bir kısmını yaşatan ve asrî hastahânele- rin teşkîlât-ı hayret-bahşâsını hulâsa eden film, bu fedâkâr kadınların gâyet faʻâl ve müfîd bir hayâtdan sonra pek müsterîhâne bir tarzda geçirdikleri bakıyye-i ömürlerini de nazar-ı temâşâya vazʻ etmişdir. _______________ Çekoslovakya Çekoslovakya Salîb-i Ahmeri, sinîn-i sâbıkada olduğu üzere bu sene de paskalya yortuları münâsebetiyle üç gün için her türlü ihtilâfât ve kanâʻât-i siyâsiyeyi muvakkaten taʻtîl eden bir Salîb-i Ahmer (Sulh ve Müsâlemet) Günü tertîb etmişdir. Paskalyaya tekaddüm eden mukaddes Cumartesi günü reîsicumhûr hâzır bulunduğu hâlde merâsim-i mahsûsa ile iʻlân olunan bu sulh ve müsâlemet eyyâmında hükûmet erkânı, Salîb-i Ah-