HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2942 mer murahhasları, meclis-i mebʻûsân reîsi taraflarından birer nutuk îrâd edildikden sonra muzıkanın müntehab parçaları dinlenmiş ve merâsim aynı zamânda telsiz telefonla memleketin her tarafına neşr u taʻmîm edilmişdir. [575] Timsâl-i şefkat olan Salîb-i Ahmer bayrağı altında bi'l-cümle siyâsî fırkalar mensûbîn ve aʻzâsı ve sunûf-ı ahâlî üç gün için her türlü nizâʻ ve ihtilâfâtdan tecrîd-i nefs ederek beşerin âlâm ü ıztırâb[â]tına sevk-i efkâr etmişlerdir. _______________ İsveç İsveç Velîʻahdı Prens Charles hazretlerinin taht-ı riyâsetinde inʻikâd eden İsveç Salîb-i Ahmer Meclis-i Umûmîsi tayyârelerle hasta nakliyâtı sâhasında cemʻiyet-i mezkûrenin faʻâliyetini irâʼe eder bir film için ihzâr edilen projeyi tedkîk etmişdir. İsveç Salîb-i Ahmer Cemʻiyeti'nin senelik raporundan âtîye hulâsaten derc etdiğimiz maʻlûmât, bu cemʻiyetin hayât-ı milliyede mazhar olduğu muvaffakiyetin ehemmiyetine delâlet etmekdedir. El-yevm İsveç Salîb-i Ahmeri'nin aded-i aʻzâsı 75.000'[e] bâliğ olmakdadır ki, nüfûs-ı mevcû- deye nazaran yüzde 1,25 demekdir. Geçen sene zarfında Gençlik Salîb-i Ahmeri de fevkalâde inkişâf etmişdir. Cemʻiyet büdcesinin matlûbât kısmı 635.000 kron (95 milyon Fransız frangı) olup son propa- ganda haftası beş buçuk milyon Fransız frangı muʻâdili bir para teʼmîn etmişdir. İsveç Salîb-i Ahmeri'nin başlıca faʻâliyeti köy hayât-ı sıhhiyesinin ıslâhı ve hasta nakliyâtı teş- kîlâtında temerküz etmekde ve beş yüze karîb merâkiz ve şuʻabâtda yeni doğan çocuklara çamaşır ve kundak takımı iʻâre olunmakdadır. _______________ İtalya İtalya Salîb-i Ahmeri'nin icrâât ve mesâʻîsine taʻalluk eden neşriyâtı muntazam bir sistem dâi- resinde idâre ve inkişâf etdirmek üzere merkez-i umûmîsi tarafından bir propaganda komitesi teşkîl edilmişdir. Bu komiteye İtalya Salîb-i Ahmeri Müdür-i Umûmîsi Müderris Baduel, Matbûʻât Cemʻi- yeti'nden bir murahhas, hükûmetden, gazete sâhib ve müdürlerinden ve umûr-ı hayriye ile meşgûl olan müessesâtdan altı zât iştirâk etmişlerdir. İtalya Salîb-i Ahmer reîsinin taht-ı riyâsetinde Mayıs'ın birinci günü ilk ictimâʻını akdeden mezkûr komitede Salîb-i Ahmer'in icrâât ve mesâʻîsini memlekete tanıtdırmak için ittihâz olunacak tedâbîr tedkîk edilmiş ve matbûʻât mümessilleri İtalya Salîb-i Ahmeri'nin vereceği makâlâtı gazetele- rinde neşretmek sûretiyle propaganda mesâʻîsine muʻâvenet edeceklerini vaʻd etmişlerdir. Mütekâsif bir propaganda sâyesinde bi'l-cümle sunûf-ı ictimâʻiyeye nüfûz edileceği ve bu sûretle Salîb-i Ahmer programının bir esâs metne istinâd etmiş olacağı ümîd edilmekdedir. _______________