HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2943 Danimarka Târîh-i teessüsünün ellinci sene-i devriyesi münâsebetiyle Danimarka Salîb-i Ahmeri'nin sûret-i mahsûsada tabʻ ve neşretdiği risâleye cemʻiyetin icrâât ve mesâʻîsinin bir hulâsası derc edilmişdir. 1925 senesinde Danimarka Salîb-i Ahmeri 40.000 aʻzâya ve 440.514 kron yani tahmînen dört milyon frank sermâyeye ve 35 kadınlar şuʻbesine ve 29 şuʻabât-ı mahalliyeye mâlik bulunuyor idi. Sulh zamânına âid vezâif meyânında ilk imdâd ve muʻâvenet, Samaritenler teşkîlâtı, hıfzıssıhha mesâili ve hastabakıcı kısmı son derece hâiz-i ehemmiyetdir. [576] Vezâif-i mezkûreden ilk imdâd ile Samaritenler ber-vech-i âtîdir: Danimarka Salîb-i Ahmeri'nin âfet veya sârî bir illet zuhûrunda hemen istiʻmâline müheyyâ malzeme-i sıhhiye depoları vardır. Şuʻbelerin ekserîsinde sedye, seyyâr hastahâne ve hastalar için vesâit-i nakliye-i sâire mev- cûddur. Ufak bir ücret mukâbilinde sûret-i muntazamada hâl-i faʻâliyetde bulunan yirmi beş Salîb-i Ahmer seyyâr hastahânesi vardır. Her sene tertîb edilen Samariten ve ilk imdâd kurslarını muvaffakiyetle ikmâl eden talebe bir kazâ veya felâket vukûʻunda hemen faʻâliyete geçmeğe hâzır sıhhiye kolonlarına veya îd-i millîler- le, spor eğlenceleri vesâire gibi umûmî tecemmuʻlarda ilk imdâd ve muʻâvenet mevkiʻleri teşkîline meʼmûr olan Samariten zümrelerine intisâb etmekdedirler. Tahlîsiye Mevkiʻleri Danimarka Salîb-i Ahmeri birçok tahlîsiye mevkiʻleri teʼsîsine kemâl-i faʻâliyetle çalışmakdadır. Hıfzıssıhha ve Çocuk Bakımı Hastalara yapılacak ihtimâm hakkında amelî ve nazarî kurslar tertîb edildiği gibi birçok şuʻbe- lerde hıfzıssıhha-i şahsî hakkında dersler verilmekdedir. Fakîr ve muhtâc vâlidelere yeni doğan çocukları için en lüzûmlu olan eşyâyı muhtevî sepetler tevzîʻ edildiği sırada bunların tarz-ı istiʻmâli hakkında da ayrıca maʻlûmât verilir. Bundan mâʻadâ Danimarka Salîb-i Ahmeri'nin meccânen çamaşır iʻâre eden 200'den fazla merkezi vardır. Hastabakıcılar Danimarka Salîb-i Ahmeri'nde hastabakıcı teşkîlâtına 1876'da başlanmışdır. Bir felâket veya sârî bir illet zuhûrunda kendilerine vâkiʻ olacak mürâcaʻatı kabûle hâzır gönüllü hastabakıcılar teşkîli maksadıyla ilk imdâd ve muʻâvenete ve hastalara yapılacak ihtimâma dâir ayrıca dersler tertîb edil- mişdir. Beytî Muʻâvenet Kanada Salîb-i Ahmeri gibi Danimarka Salîb-i Ahmeri de iyi terbiye almış kadınlar için has- talık veya nâgehânî ahvâl ve hâdisât karşısında bir âile vâlidesine ve bir ev hanımına terettüb eden vezâif-i beytiyeyi de taʻlîm etmekdedir.