HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2944 Gençlik Salîb-i Ahmeri Danimarka Salîb-i Ahmeri'nin en yeni faʻâliyetlerinden birini teşkîl eden bu şuʻbe, mekteblerde şâyân-ı memnûniyet bir tarzda inkişâf etmekdedir. Neşriyât Danimarka Salîb-i Ahmeri tarafından neşredilen Salîb-i Ahmer Mecmûʻası 'nın senelik abonesi iki kron yani yirmi frankdır. _______________ Avusturya Avusturya Hükûmeti 20 ilâ 26 Haziran'a kadar Viyana'da İsveç memleketinin şerefine bir silsile ziyâfet ve eğlenceler tertîb etmişdir. Birkaç yüz İsveç Salîb-i Ahmer aʻzâsının medʻuv bulunduğu bu eğlencelerin programı Avustur- ya reîsicumhûrunun riyâset etdiği husûsî bir komite tarafından tanzîm edilmişdir. On, on beş bin Avusturya çocuğunun Harb-i Umûmî'yi müteʻâkib İsveç âileleri nezdine kabûl edilerek mazhar-ı muʻâvenet olmasından ve İsveç'in o zamânlar Viyana'ya altı milyon kron kıymetin- de meʼkûlât ve mevâdd-ı gıdâiye irsâl etmesinden nâşi Avusturya Hükûmeti İsveç'e karşı bu sûretle şükrânını arz u ifâde etmiş oluyor. _______________ [577] Arnavud Salîb-i Ahmeri Arnavud Salîb-i Ahmer Cemʻiyeti Heyʼet-i İdâresi geçen Temmuz esnâsında Maʻârif Nezâre- ti'nin de iştirâkiyle hıfzıssıhha mücâdelesine teşebbüs etmişdir. Malaryaya musâb olan muhtelif havâlîdeki muʻallimler için sıtma ve mekteb hıfzıssıhha kurs- ları tertîb edilmişdir. Konferans tarzında devâm edecek olan bu kurslarda Salîb-i Ahmer Heyʼet-i İttihâdiyesi'nin iʻâ- re etdiği üç filmin projeksiyonları gösterilecek ve baʻdehû kursları taʻkîb eden muʻallimlerle Gençlik Salîb-i Ahmer teşkîlâtı mevkiʻ-i müzâkereye vazʻ olunacakdır. _______________ Belçika Belçika Salîb-i Ahmeri tarafından kongrenin senelik ilk ictimâʻına takdîm olunan raporda 1925 senesi zarfında Belçika'da hıfzıssıhha propagandasının muvaffakiyet-i mütezâyidesi bir lisân-ı şükrân ile kaydedildikden sonra Salîb-i Ahmer'in hıfzıssıhhaya taʻalluk eden icrâât ve mesâʻîsi hakkında her sınıf halkda uyanan efkâr, takdîrât-ı mahsûsa ile yâd edilmiş ve her yerde devâirin, uzviyetlerin, mekteblerin, patron ve amele gruplarının, müessesât-ı ictimâʻiye vesairenin hıfzıssıhha mesailine âid teşebbüslerinde dâimâ Salîb-i Ahmer'e mürâcaʻat etdikleri ve Salîb-i Ahmer'in tertîb etdiği kursları,