HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2945 konferansları ve filmleri, mecmûʻa ve neşriyât-ı sâiresi ile teʼmîn-i muvaffakiyet etdiği ve Salîb-i Ahmer'in neşriyât sâhasındaki işbu muvaffakiyetine misâl olarak sırf Brüksel amelesi için sûret-i mahsûsada filme alınan Sıhhatimizi Sûistiʻmâl Etmeyelim! ismindeki risâlenin üç aydan daha az bir zamân zarfında 60.000 nüsha[sı]nın satıldığı ilâve edilmişdir. _______________ Bulgaristan'da Cemʻiyet-i Akvâm Meclisi son ictimâʻında Bulgar muhâcirlerinin îvâ ve iskânı için meclis-i mezkûr mâliye komisyonunun teklîf etdiği istikrâza meʼzûniyet vermişdir. Mikdârı iki milyon iki yüz elli bin İngiliz lirasına bâliğ olan bu istikrâz yalnız muhâcirîn için mesken inşâsına ve âlât-ı zirâʻiye vesâire mübâyaʻasına tahsîs edilmişdir. Cihet-i sarfı bu sûretle takyîd edilen işbu istikrâzdan muhâcirîne nakden muʻâvenet edilemeye- cekdir. Cemʻiyet-i Akvâm karârının tatbîkât-ı fiʻliyesi için epeyce zamân mürûr edeceğinden Bulgar Salîb-i Ahmeri muhâcirîn için Salîb-i Ahmer Cemʻiyetlerinin muʻâvenet-i uhuvvetkârânesine mürâ- caʻat edecekdir. _______________ İspanya İspanya Salîb-i Ahmeri Bulgar muhâcirîni için Bulgar Salîb-i Ahmeri'ne iki defada cemʻan on iki bin frank göndermişdir. _______________ Yunan Ahîren Romanya'da enhârın feyezânından müteessir olanlara bir muʻâvenet olmak üzere Yunan Salîb-i Ahmeri, Romanya Salîb-i Ahmeri'ne bin frank irsâl etmişdir. _______________ [578] Salvador Salvador Salîb-i Ahmeri, Macar ve Romanya seylâbzedegânına iʻâneten 100 dolar göndermişdir. _______________ İsviçre İsviçre'de Cenevre Salîb-i Ahmer şuʻbesi emrâz-ı zühreviyeye karşı bir mücâdele komisyonu teşkîl etmişdir. Komisyonun emrâz-ı zühreviye mücâdelesinde mürâcaʻat etdiği iki kuvvetli vâsıtadan biri cin-