HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2946 seynin münâsebât-ı samîmiyelerine taʻalluk eden kavâʻid-i hıfzıssıhhayı halka öğretmek ve diğeri dispanserlerde muʻâyenelerle istişâreleri meccânî kılmak. Bu vazîfenin ehemmiyetli olan ilk kısmı amele dârülfünûnu müdâvimlerine ve kışlada genç askerlere ve Cenevre'nin başlıca mekâtibinde son sınıf talebesine verilen konferanslarla teʼmîn edil- mişdir. Şurasını da hemen ilâve edelim ki, emrâz-ı zühreviyeye dâir mekteblerde konferanslar verilme- si için zâten Maʻârif-i Umûmiye Dâiresi Riyâseti'nden mürâcaʻat vâkiʻ olmuş idi. Verilen konferanslar talebe tarafından kemâl-i dikkat ve ehemmiyetle taʻkîb ve istimâʻ edilmiş ve hiçbir iʻtirâz ve münâkaşayı daʻvet etmemişdir. *** Ekseriyâ vâlide cehâletinin sebebiyet verdiği vefeyât-ı etfâle karşı mücâdelede bulunmak üzere Cenevre Salîb-i Ahmer şuʻbesi mahallî diğer müessesât-ı hayriye ve insâniyenin de iştirâkiyle bir Çocuk Bakım Sergisi tertîb etmiş ve sergi halk nezdinde pek büyük rağbete mazhar olmuşdur. Mini mini yavruların elbise, tuvalet ve gıdâlarına müteʻallik ihzâr olunan numûneler cidden şâyân-ı takdîr görülmüş, oyuncaklar ve çocuk eşyâsı sâde ve basît olduğu kadar bizzât ebeveyn ta- rafından kolayca yeniden terkîb edilecek tarzda iʻmâl edilmişdir. İstatistikleri ve desâtîr-i sıhhiyeyi gösteren levhalar bir şekl-i bedîʻî ve amelîde resimlerle tezyîn olunmuşdur. Diğer cihetden sergi heyʼet-i tertîbiyesinin mürâcaʻatı üzerine çocuk bakmağa âid muhtelif mesâil hakkında etıbbâ-yı mütehassısa tarafından konferanslar verilmişdir. Sergiyi ziyâret edenlerin mikdârı altı bini geçmişdir. Sergi nevâhî-i mühimmede birer hafta kalmak şartıyla Cenevre kantonunun bütün aksâmını dolaşacakdır. Gençlik Salîb-i Ahmeri Salîb-i Ahmer Cemʻiyetleri Heyʼet-i İttihâdiyesi'ne vârid olan maʻlûmâta nazaran 1 Temmuz 1926 târîhinde tekmîl dünyâ Gençlik Salîb-i Ahmer aʻzâsı 8.944.243'[e] bâliğ olmuş bulunuyor. 15 Şubat 1926 târîhinde aʻzâ-yı mezkûrenin mikdârı 8.662.583 olmasına nazaran altı aydan az bir müddet zarfında 281.600 aʻzâ daha gençliğe iltihâk etmiş oluyor. Bu gençlik aʻzâsının münkasem olduğu memleketler şunlardır: 1-Avrupa'da mevcûd 21 Gençlik Salîb-i Ahmer Cemʻiyeti'ne mukayyed aʻzânın mecmûʻu 2.168.323'dür. Bu erkâmın her memlekete isâbet eden mikdârı: [579] Aded Avusturya Gençlik Salîb-i Ahmer aʻzâsı 140.000 Belçika Gençlik Salîb-i Ahmer aʻzâsı 27.315 Bulgaristan Gençlik Salîb-i Ahmer aʻzâsı 53.800