HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2949 Bundan mâʻadâ gençlik zümresinin topladığı para sâyesinde öğleyin her çocuğun bir sıcak çor- ba içebilmesini teʼmîn etdiğini ilâve ediyor. _______________ Avusturya Avusturya Gençlik Salîb-i Ahmeri Mayıs'ın 29'uncu günü Viyana'nın en büyük bir konser salo- nunda parlak bir müsâmere tertîb etmişdir. Müderris Bendorf tarafından bir konferans verildikden sonra iki bin Gençlik Salîb-i Ahmer aʻzâsı, erganunun iştirâki ile "Gençlik Marşı"nı terennüm etmişdir. Viyana'nın en meşhûr sanʻatkârânın[ın] muzâhereti de teʼmîn edilmiş olduğundan müsâmere cidden pek parlak muvaffakiyetlerle tetevvüc etmişdir. Konsere gelen Gençlik Salîb-i Ahmer aʻzâsından dühûliye alınmamışdır. Masârıf, mekâtib-i tâliye talebesine satılan kartlar ve bazı âilelerin verdiği teberruʻâtla kapatıl- mışdır. Müdür-i Mesʼûl: Mehmed Refik [581] 7 Haziran [1]926 Târîhinde Türkiye Büyük Millet Meclisi'nde Kabûl Edilen Dînî, Millî Bayram Günlerinde İstiʻmâl Edilecek Hilâl-i Ahmer Şefkat Pulları Hakkında Kânûn Sûreti Birinci Mâdde- Dînî ve millî bayram günlerinde posta ve telgraf ücretinden ayrı olarak âdî mektûblara bir, taʻahhüdlü mektûblara iki buçuk ve telgrafnâmelere beş kuruşluk Hilâl-i Ahmer şef- kat ve hâtıra pulu ilsâkına Dâhiliye vekîli meʼzûndur. İşbu pullar Hilâl-i Ahmer Cemʻiyetince ihzâr edilir. Sarf edilen pulların bedeli bir ay zarfında posta ve telgraf idârelerince Hilâl-i Ahmer Merkez-i Umûmîsi Veznesi'ne teslîm olunur. İkinci Mâdde- İşbu kânûn târîh-i neşrinden muʻteberdir. Üçüncü Mâdde- İşbu kânûnun ahkâmını icrâya Dâhiliye vekîli meʼmûrdur.