HİLÂL-İ AHMER MECMÛʻALARI / CİLT 7

2963 Altıncı Sene 8 Rebîʻulevvel sene 1345 / 15 Eylül 1926 Numara 61 Makâlât ve İʻlânât, Mec- mûʻa Müdüriyeti'ne Gön- derilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edil- mez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Felâkete Maʻrûz Olan Bir Mahalde Salîb-i Ahmer İmdâd ve Muʻâvenet Teşkîlâtı – Kuduzdan Şübheli Bir Hayvân Tarafından Isırılan Bir Kimse Hakkında Vâcibü'l-İttihâz Tedâbîr – Hilâl-i Ahmer Havâdisi – Salîb-i Ahmer Havâdisi – Fransızca Kısmı – İngilizce Kısmı ALTINCI YIL Mecmûʻa , bu nüsha ile hayât-ı neşriyesinin altıncı senesini idrâk ediyor. Bu vesîleden bi'l-istifâde neşriyâtımızı taʻkîb lütfunda bulunan azîz kârilerimizle makâlelerimizi sütûnlarına nakil ve derc ederek devâm-ı intişârımızı teşvîk eden muh- terem rüfekâmıza en hâr teşekkürâtımızı takdîm ediyoruz. İCTİMÂʻÎ HIFZISSIHHA -34- Prevantoryum – Sanatoryum Sıhhat-i umûmiye nokta-i nazarından yirminci asrın bir zaferi de, prevantoryum ve sanatoryum- ların teessüs ve tekâmülü olmuşdur diyebiliriz. Fi'l-hakîka geçen asrın nısf-ı ahîrine doğru tekâmüle başlayan müessesât-ı sıhhiyeye bulunduğumuz asır bidâyetinde sanatoryum denilen bir nevʻ husûsî ve sıhhî müessese daha ilâve edildi. Veremin tarz-ı sirâyet ve intişârı iyice tahakkuk etdikden sonra bu gibi hastagânı toplu olarak bir müesseseye kabûl ve orada yeknesak bir tarz-ı tedâvîye maʻrûz kılmak ihtiyâcı hâsıl olmakla veremlilere en nâfiʻ ve şâfi olan sâf havâ ve güneşin bol ve kuvvetli olduğu ekâlîm ve mevkiʻler intihâb edilerek taht-ı tedâvîye almak zarûreti karşısında sanatoryumlar teʼsîs edilmiş [2] oldu. Sanatoryum lugatda çok hasta olmayan veya hâl-i nekâhetde bulunanlara mahsûs husûsî bir müessese-i sıhhiye maʻnâsına gelir. Bugün Avrupa ve Amerika'nın birçok şehirle- rinde bu kabîl müessesât mevcûd olup ücretli tedâvî arzu eden tıbbî ve cerrâhî bütün hastaları kabûl etmekdedirler. Maʻa[mâ]fîh bugün her yerde sırf veremliler için açılan hastahânelere de sanatoryum denilmekdedir.