HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2967 Musîbet ve felâkeler, ekser zamânlar hayât ve maʻîşeti ya dûçâr-ı taʻtîl veya büsbütün mahv eder, her nevʻ ihtiyât eşyâ ve malzemeyi ifnâ ve bütün mesâʻîyi zîr ü zeber eder, işsizlik hâsıl olur, hâmî ve muʻînlerinden mahrûm kalan âilelerde pek derîn yeʼs ve nevmîdî tevlîd eder. Felâket netîcesinde nüfûs zâyiʻâtı ve hasârât-ı mâddiye mikdârı her ne mikdâra bâliğ olursa olsun, her hâlde hayât-ı âile müteessir ve mutazarrır olacağından yapılacak muʻâvenete esâs dâimâ âile olacak ve muʻâvenete âileden başlanacakdır. -3- Bizi Tehdîd Eden Felâketler Âfet ve felâket gerek her mahal ve mevkiʻin maʻrûz kaldığı yangın olsun, gerek Cenûbî Ameri- ka'nın ekser havâlîsinde görüldüğü üzere kasırga veya tuğyân-ı miyâh olsun yâhûd ormanlık arâzînin maʻrûz olduğu orman yangınları veya menâtık-ı fahmiye harîkleri ve maʻden ocaklarının iştiʻâli kabî- linden olsun yâhûd tersâne, mühimmât-ı harbiye, bârûthâne, eczâ-yı kimyeviye fabrikaları gibi iştiʻâ- linden korkulan mevâkiʻ civârı bulunsun veya hareket-i arz, kazâ-yı bahrî ve tayyâre kazâları olsun, ve'l-hâsıl bizi tehdîd eden âfât ve mesâibden herhangi biri olursa olsun, felâketzedegâna müteʻallik mesâil-i imdâdiye her yerde bir ve yekdiğerinin aynıdır. Her havâlî en ziyâde taht-ı tehdîdinde kaldığı âfât ve mesâibi nazar-ı dikkate alarak ona göre muʻâvenet tertîbâtını almalıdır. Bir musîbet ve felâkete karşı tedâbîr ittihâz etmek onun defʻi çâresini düşünmek demekdir ve bu felâketlerin kâffesi ölüm, mecrûhiyet ve harâbî ile netîceleneceği de unutulmamalıdır. -4- İmdâd ve Muʻâvenet Malzemesi İmdâd ve muʻâvenetde elzem ve zarûrî olan tedâbîr-i evveliye, mevâdd-ı iʻâşe, elbise ve çama- şır, muvakkat melceʼler, muʻâvenet-i tıbbiye, meʼmûrîn-i muntazama, nakliyâtda sühûlet olmak üzere altı kısma ayrılır. Yapılacak muʻâvenet âfetin mâhiyet ve vüsʻatine göre taʻayyün eder. Her şeyden evvel tedârükü elzem olan mevâd ve eşyâ: Mecrûhînin tedâvîsine mahsûs pansuman ve dâfiʻ-i taʻaffün edviye, felâketzedegânın ihtiyâ- cât-ı zarûriyesi için elbise, yorgan, yatak, şilte, çarşaf, çadır, baraka, matbah ve matbah takımları ve mevâdd-ı iʻâşe [6] ve emrâz-ı müstevliyenin menʻ-i zuhûr u intişârı için dezenfektanlar. Felâkete mücâvir mahallerden bir müddet-i kalîle zarfında tedârük ve ihzârı kâbil olabilecek bozulmağa müstaʻid meʼkûlâtı bir yerde cemʻ etmekden merâkiz ve şuʻabât ictinâb etmelidir. Mesken mesʼelesi de âfetin mâhiyet ve vüsʻatine tâbiʻ olup mekteb, câmiʻ, kilise, kışla ve buna mümâsil emâkin-i umûmiye ve mahv u harâb olmayan emâkin-i husûsiye muvakkat mesken hizme- tini îfâ edebilirler. Aksi takdîrde çadır rekzine mecbûriyet hâsıl olur. Mecrûhîn ile hastaların tedâvîsi için mahallî hastahâne ve dispanserlerinden ve hastabakıcılık teşkîlâtından pek büyük istifâdeler teʼmîn edilebilir. Hastahâne yok ise veya harâb olmuş bulunuyorsa veyâhûd mesâib-dîdegânı istiʻâba gayr-ı kâfi geliyor ise, hemen muvakkat bir hastahâne teʼsîs veya ordunun ambülanslarından istiʻâne etmek ve