HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2968 bazı ahvâlde dahi mecrûhîn ile hastagânın bir kısmını hastahânesi olan yakın mevâkiʻe göndermek îcâb eder. İmdâd ve muʻâvenet işlerinde muntazam teşkîlâta tâbiʻ bir heyʼet-i meʼmûrîne de ihtiyâc derkârdır. Etıbbâ, hastabakıcılar, erbâb-ı ihtisâs, Hilâl ve Salîb-i Ahmer otomobilcileri, hulâsa kadın ve erkekden teşekkül edecek olan bu meʼmûrîn ve müstahdemînin kâffesi faʻâl ve fikr-i teşebbüse mâlik kimselerden intihâb edilmelidir. İmdâd ve muʻâvenet teşkîlâtı ne derecelerde mükemmel tertîb ve ihzâr edilmiş olursa olsun, an- cak o teşkîlâtı idâre edecek olanların vukûf ve maʻlûmâtı kâfil-i muvaffakiyet olacağından bu cihete riʻâyet edilmedikçe teşkîlât mekanizması nâ-tamâm addedilmelidir. Taʻbîr-i diğerle sarf edilecek muʻâvenetin müessir ve semeredâr olabilmesi tehyiʼe ve ihzâr edilen muʻâvenet-i mâddiye ve ayniyeden ziyâde muʻâvenetin tatbîk ve icrâsına meʼmûr edilenlerin saʻy ü gayretine tâbiʻdir. Binâenaleyh merâkiz ve şuʻabât tarafından ciddî hizmet îfâsına muktedir kimselerin cedvel-i esâmîsi dâimâ göz önünde tutulmalıdır. _______________ Muʻâvenet-i Hâriciye Hilâl ve Salîb-i Ahmer merkez veya şuʻbesi muʻâvenet teşkîlâtını tehyiʼe ve ihzâr ederken ken- di menâbiʻiyle berâber lede'l-îcâb mürâcaʻat edebileceği merkez ve şuʻbenin yapacağı muʻâveneti de nazar-ı dikkate almalıdır. Bundan mâʻadâ yerine göre ordudan ve cihet-i bahriyeden istiʻâne edeceği kuvvetlerle kavânîn-i mevzûʻaya hürmeti, sükûn u âsâyişin idâmesini, sıhhat-i umûmiyenin muhâfa- zasını, emvâl ü eşyânın himâyesini, iʻânâtın nakil ve tevzîʻini de teʼmîn etmiş olur. Malzeme, gıdâ, meʼmûrîn ve hastahâneye kabûlde sühûlet gibi esbâb u vesâit, muʻâvenetin mebzûliyeti şübhesiz o mahallin ehemmiyetiyle mütenâsibdir. Birçok küçük şehirler, hastahâne ve hastabakıcıdan ve muʻâvenet-i ictimâʻiye teşkîlâtından mahrûmdur. Bir de bu gibi şehirler âfet ve musîbete karşı muhtelif erzâk ve meʼkûlâtı külliyetli olarak bir tarafda cemʻ edemeyeceğinden ken- dilerinden daha zengin, daha iyi mücehhez olan civâr şehirlerin muʻâvenetine arz-i iftikâr ederler. Büyük şehirler mâlik oldukları stoklarla ve mevcûd birçok teşkîlât-ı sıhhiye ve ictimâʻiyeleriyle bir âfetin îkâʻ edeceği felâketlere daha sühûletle çâresâz olabilirler. İmdâd ve muʻâvenete meʼmûr olan merkez herc ü merc-i umûmî içinde iʻtidâl ve sükûnet ve mahâretle [7] çalışabilecek, müstaʻid, zekî, akl-ı selîm sâhibi kadın ve erkeklerin hissiyât-ı şefkat-per- verîsine mürâcaʻat etmelidir. Hilâl ve Salîb-i Ahmer Merâkiz ve Şuʻabâtının Âfât ve Mesâibe Karşı İstihzârâtı Basît ve Amelî Teşkîlât Merkez ve şuʻbe muʻâvenet teşkîlâtının gâyet basît ve sâde olması lâzımdır. Bir de mesâʻî ve faʻâliyeti isrâf etmemek ve tekerrür-i muʻâmele mahzûruna meydân vermemek için teşekkül edecek komisyonların aʻzâsı mahdûd olmalıdır. Bu bâbda uzun tecrübelerden istihsâl edilen netâyici gâyet basît desâtîr şeklinde aşağıya derc ediyoruz.