HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2974 Eskişehir anbârı dâhilindeki değirmenden istifâde sûretiyle anbâr atölyelerinin elektrikle tahrîki ve anbârın elektrikle tenvîri takarrür etmişdir. *** Çırağan'da satış komisyonu muʻâmelâtı hitâm bulmuşdur. *** [12] Son defa vukûʻ bulan hareket-i arzdan harâb olan Kaş ve Finike kazâlarına Hilâl-i Ahmer- ce teşmîl-i muʻâvenet edilerek merkez-i umûmîden mahallerine on bir bin lira gönderilmişdir. *** Rusya'dan anavatanına celb edilmeleri takarrür eden Harb-i Umûmî üserâsının masârıf-ı sev- kiyeleri için merkez-i umûmîden Moskova Büyükelçiliği emrine on bir bin sekiz yüz elli lira irsâl edilmişdir. *** İstanbul merkezi şuʻabât teşkîlâtı merkez-i umûmîce kabûl ve tasvîb olunmuşdur. Dâhiliye Vekâleti'nin Hilâl-i Ahmer'e Teşekkürü Marmaris ve Köyceğiz kazâları harîkzedegânına Hilâl-i Ahmerce edilen muʻâvenetden dolayı merkez-i umûmî riyâsetine Dâhiliye Vekâlet-i Celîlesi'nden mevrûd teşekkürnâme sûretini derc edi- yoruz: "-Hilâl-i Ahmer Cemʻiyeti Riyâset-i Aliyyesi'ne, 12 Temmuz 1926 târîh ve 455/453 numaralı tezkere-i aliyyeleri cevabıdır: Marmaris ve Köyceğiz kazâları hareketzedegânına muʻâveneten cemʻiyet-i muhteremece tah- sîs olunan beşer bin lira nakid ile çadırların tevzîʻi sûretiyle de ibrâz buyurulan meâsir-i şefkatden dolayı takdîm-i teşekkürât ve teʼyîd-i ihtirâmât eylerim, efendim. 2 Ağustos 1926 Dâhiliye Vekîli M. Cemil" _______________ Amerika'da Buffalo Hilâl-i Ahmer Şuʻbesi Amerika'da Detroit Şehri Hilâl-i Ahmer Merkezi'ne merbût olarak ahîren teşekkül eden Buffalo şuʻbesinin beyânnâmesiyle intihâbnâmesini ve Hilâl-i Ahmer Günü'ne âid mektûbunu aşağıya derc ediyoruz: