HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2975 "-Detroit ve Buffalo'da yüzlerce Türk ve müslümân kedd-i yemîn ve ırk-ı cebînleriyle esbâb ve vüsʻat-ı maʻîşetlerini teʼmîn etmekdedirler. Buffalo Hilâl-i Ahmer Şuʻbesi teessüs ederken vatandan uzak başka iklîmlerde yaşayan Ana- dolu'nun ve diyâr-ı İslâm'ın bu pek sâf, samîmî evlâdlarının öteden beri Hilâl-i Ahmer Cemʻiyeti'ne gösterdikleri yüksek fedâkârlığı ve hamiyet ve sehâveti bir daha kemâl-i hürmet ve takdîr ile kayde- diyoruz". *** "-Türkiye Hilâl-i Ahmer Cemʻiyeti Merkez-i Umûmî Riyâset-i Aliyyesi'ne, Efendim, Öteden beri vatan-ı azîzimizden cüdâ olarak ecnebî memleketlerde âile maʻîşetini teʼmîn etmek maksadıyla vatan hasretliği çekmekle berâber elimizden geldiği kadar vatanımız dâhilinde bulunan efkar-ı fukaraya yardımı, bizlere farz olan bu vazîfeyi îfâda kusûr etmemeğe gayret göstermekdeyiz. Bilhâssa Cihân Harbi'nde ve Kurtuluş [ve] Zafer Muhârebelerinde vazîfe-i vataniyemizi îfâ edemedik ve fakat bu maksad uğrunda cânlarını fedâ eden şehîd ve gâzî kardeşlerimize her zamân yardım et- meği düşündük ve bu vazîfeyi birçok vâsıtalar ile îfâda kusûr etmedik. Maʻamâfîh Amerika'da bulun- duğumuz bu zamânlarda birçok cemʻiyetler teşkîline muvaffak olduk isek de maʻalesef yine inhilâl ve yine sükût ederek mahrûmiyetlere gark [13] olduk ve en nihâyet cemʻiyetsiz yaşanamayacağını, sâhibsiz sürü hâlinde her belâdan kurtulunamayacağını ve cemʻiyet hâlinde yaşayanların birçok mâ- niʻaları atlayarak zaferle netîceye vâsıl olduklarını nazar-ı iʻtibâra aldık. Akl-ı selîmimizin idrâk et- diği kadar kânûnlar getirmeğe muvaffak olduk. Yalnız temeli sağlam bir cemʻiyet teşkîline muvaffak olamadık. Kânûnlarımızın gayr-ı muntazamlığından bunlar pâyidâr olamayarak mahvına sebebiyet verdik. Yine bu defa vicdân azâbı içerisinde yaşamakda iken azm ü sebâtın yapdığı hiçbir kuvvetin meydâna getiremeyeceğini ve zarardan müteessir olmanın ve kuvve-i maʻneviyemizin kırılmasının âsârını son ve katʻî bir karâr ile ve biz Türklerin iştirâkiyle bi'l-umûm İslâm ahâlînin aralarında dolaş- mak ve cemʻiyetsiz yaşamak mahkûm olmak kadar müessir olduğunu ve Hazret-i Peygamber'in emir buyurduğu hadîs-i şerîfi nazar-ı iʻtibâra alarak İslâmlar arasında müzâkere ve teʻâtî-i efkâr edildikden sonra Amerika'da belli başlı birkaç cemʻiyetin kânûnları nazar-ı mütâlaʻadan geçirilmiş, en nihâyet Türkiye Hükûmeti kânûnlarından Hilâl-i Ahmer Cemʻiyeti Kânûnu daha muvâfık bulunduğundan Hilâl-i Ahmer Cemʻiyeti'nin sîne-i şefkatine ve bizce istifâdesi lâzım olan kânûndan müstefîd olmak üzere 16 Haziran 1926 târîhinde Detroit Michigan Hilâl-i Ahmer Merkezi'ne mürâcaʻat etmek üzere bir heyʼet-i murahhasa sevk etdik. Detroit merkeziyle aramızda ne gibi irtibât teʼsîs edileceği hakkın- da fikirlerini aldıkdan sonra müstaʻcel bir ictimâʻ akdederek 20 Haziran 1926 târîhine musâdif Pazar günü Hilâl-i Ahmer günü olduğu bir günde kuvvetle meydâna getirilmesi için Detroit merkezi riyâ- setine telgraf keşîde edilerek Detroit merkezi reîsi ve kâtibinin gelmesi behemahâl lüzûmlu olduğu bildirilmiş ve hemen de ihzârâta başlanılmışdır. 19 Haziran Cumartesi günü gelerek cemʻiyetin resm-i küşâdına Pazar günü ale's-sabâh mübâ- şeret edilmişdir. Böyle meserretli bir günün hâtıralarını yâd etmek üzere umûm İslâmlara teʻâvün ve tesânüd ne demek olduğunu îzâh etdik. Amerikan cemʻiyet kulüpleri salonlarından biri sekiz sâʻat için îcâr edilmiş ve 62 otomobil muʻazzez Türk ve Hilâl-i Ahmer bayraklarıyla tezyîn edilerek Buf- falo şehrinin sokaklarından geçilerek ictimâʻ mahalline azîmet edilmişdir.