HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3422 Şimdi tahtakurularına karşı umûmî mücâdele planının ne olabileceğini arz edelim: Sâir hıfzıssıhha mesâilinde olduğu gibi tahta bitlerini itlâf etmeğe çalışmakdan ise onlara karşı müdâfaʻa tertîbâtı almak her hâlde evlâdır. Hattâ pek temiz, pek şık ve mükemmel addedilen mahallere bile fürceyâb-ı dühûl olan bu men- hûs tufeylînin taʻarruzundan hiç kimsenin masûn kalamayacağını bilmeliyiz. Bu nokta-i nazardan tekmîl yatak takımları senede iki veya üç defa veya hiç olmazsa bir kere dikkatli bir nazar-ı teftîş ve murâkabeden geçirilmek lâzımdır. Hattâ bu teftîş evin hanımı tarafından icrâ edilmelidir. Sâhibe-i hânenin mevkiʻ-i ictimâʻîsi ile şeref ve haysiyetiyle böyle bir hizmet-i süfliyenin kâbil-i teʼlîf olamayacağı fikrinde bulunacaklara: "-İdâresi kendisine mevdûʻ olan bir evin sıhhat-i umûmiyesini teʼmîn etmekle sâhibe-i hâne şeref ve haysiyetinden bir şey gâib etmez" cevâbı verilmelidir. Bu sûretle yapılacak teftîşâtda karyola demirlerinin yekdiğerine mulâsık bulunduğu kısımla- ra ve yatağın duvarla temâs etdiği mahallere dikkatle bir nazar atfetmek ve şâyed karyolaya yakın çerçeve, resim taʻlîk edilmiş ise bunlar tersine çevrilerek biraz evvel bahsetdiğimiz küçük ve siyâh noktaların bulunup bulunmadığı anlaşılmak îcâb eder. Karyolaların bu teftîşâtından sonra besleme ve hizmetçi odalarında yatak takımları da aynı dik- kat ü ihtimâm ile muʻâyene edilmelidir. Fi'l-hakîka yeni inşâ edilmiş evlerde tahtakurusu istîlâsı çok defa üst katdaki hizmetçi odaların- dan başlayarak yavaş yavaş alt katlara kadar sirâyet etdiği vâkiʻdir. İstîlâ keyfiyeti tahtakurularının gerek doğrudan doğruya hicret etmesinden veya bazı eşyânın hizmetçi odalarından diğer odalara nakledilmiş olmasından ileri gelsin, hiçbir ehemmiyeti olmayıp istîlânın nokta-i azîmetine emniyet etmemek esâsdır. Tahta biti mücâdelesinde tedâbîr-i vâkıye kadar esâslı diğer bazı tedbîrler de vardır. Yeni bir evin tefrîş ve tanzîminde düşmanın dühûlüne vâsıta olacak müstaʻmel döşeme, minder vesâire gibi mefrûşât-ı beytiye hâricden mübâyaʻa edilerek ev eşyâsına ilâve edilmemelidir. Ekseriyâ vâkiʻ olduğu üzere hattâ hizmetçiler için dahi olsa müstaʻmel karyola satın almakdan katʻiyen ictinâb ediniz. Çünkü çok defa mübâyaʻa etdiğiniz bu müstaʻmel karyola ve yatak takımı ile hiç haberiniz olmadan birçok tahtakurusu da almış olursunuz. Bu sûretle hareket etmeğe mecbûriyet hâsıl [349] olduğu zamân şübheli addedilmesi zarûrî olan bu karyola ile levâzım-ı müstakarresini dâimî bir nazar-ı murâkabe ve teftîşden geçiriniz. Mebîʻde tahta bitinin vücûduna delâlet edecek en küçük bir emâre görür görmez onu iʻâde ediniz veya birçok defa tekrâr etmeniz lâzım gelen tathîrâta tâbiʻ tutunuz. Antika mefrûşât toplamak merâkında olan kimseler için de aynı mahzûr vardır. Göç zamânlarında bilhâssa müteyakkız bulunmak lâzımdır. Fi'l-hakîka nakl-i hâne etmezden evvel hizmetçi odalarındaki karyola ve yatak takımlarında tahtakurusu bulunmadığına kanâʻat hâsıl etmek basîretkârâne bir hareket olur. Göç esnâsında eşyâ birbirine karışmış olacağından tekmîl yatak- lara bu hayvânât-ı menfûreden mühim birer hisse isâbet edeceğinden şübhe edilmemelidir. Yatak kerevetlerinin demir karyolalarla istibdâli tedâbîr-i vâfiye nokta-i nazarından büyük bir terakkîdir.