HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3424 şiddet eden ve ahâlînin fakîr sınıflarında vârid ve mekteb gibi bir hayât-ı müşterek yaşayan mahal- lerde izdihâm ve pislikle bir belâ-yı ictimâʻî hâlini alan bu menhûs illete karşı evvelce neşretdiğimiz vesâit-i vâkıye ve mâniʻayı Malatya refîkimizin makâlesi vesîlesiyle burada bir daha tekrâr etmek isteriz. Vesâit-i Vâkıye 1-Trahomun vahîm ve pek sârî bir hastalık olduğu fikrinin neşr u taʻmîmi 2-İlletden tahaffuz çâreleri olarak mevâdd-ı âtiyenin taʻlîmi: a) Tavattun etmek üzere bir memlekete dâhil olacak trahomlu muhâcirlerin hudûdlarda tevkîfi b) Memleket dâhilinde trahomluların tecrîdi. Mekteblerle ordularda trahomluların ayrıca sınıf ve cüzlerde cemʻi. c) Âile efrâdının yekdiğerini öpme ve okşamasının menʻi ve el ve vechin ve şahsî çamaşırların temiz tutulması gibi ittihâz edilmesi lâzım gelen tedâbîrin taʻlîmi. Hastanın akrabâ ve taʻallukâtı ve sirâyet tehlikesine maʻrûz bulunan bi'l-cümle eşhâs her gün gözlerine kırkda bir nisbetinde gliserinli kibrîtiyet-i nühâs mahlûlünü damlatması d) Her yerde sineklerden tahaffuz: Sineklerin tekessürüne mâniʻ olmak için süprüntü ve gübre- lerin ve umûmiyetle kâbil-i takbih bi'l-cümle mevâddın meskenlerden uzaklaştırılması Sineklerin imhâsı için de mesâkinin cidâr ve zemîninin dezenfekte edilmesi Vesâit-i Şâfiye 1-Trahomlu mihrâklarda hastaları taharrî ederek meydâna çıkarmak ve sonra bir sistem dâhi- linde taht-ı tedâvîye almak Bidâyetde tedâvî edilen hastalar daha kolay şifâyâb olurlar. Vahîm olan ihtilâtâtın ancak bu sûretle önü alınır. 2-Vesâit-i tedâvî mutlak emrâz-ı ayniye mütehassısları tarafından tatbîk edilmelidir. Tedâvînin teʼsîri katʻîdir. Âfet nüksedebilir ve fakat tedâvîye muntazaman devâm eden maʻlûlînin bir kısm-ı mühimmi kurtarılmakdadır. 5-Beledî bir hâlde icrâ-yı hükm etdiği menâtık ve havâlîde âfetden en ziyâde müteessir olan fukarâ sınıfının meccânen tedâvîsini teʼmînen trahomlulara mahsûs dispanserler teʼsîs edilmelidir. Nitekim İtalya, Yunan Salîb-i Ahmer Cemʻiyetlerinin açdıkları dispanserlerin pek büyük hizmetleri görülüyor. Malatya refikimizin makâlesi "-Trahom Vücûdu, eli, kolu, ayağı sağlam olduğu hâlde insânı maʻdûm hâline getiren dünyâda "körlük"- den fecîʻ bir şey yokdur. Vilâyetimizde beledî ve müstevlî bir hâlde bulunan trahom, bu melʻûn göz hastalığı genç, ihtiyâr, kadın, erkek, zaʻîf, kavî, fakîr ve zengin tanımayarak tahrîbâtını yapmakda ber-devâmdır. Vilâyetimiz dâhilinde Malatya şehriyle Hısnımansur kasabasında temerküz ve tekâsüf eden bu korkunç hastalığa karşı açılan [351] trahom mücâdelesi merkezlerinde yapılacak küçük bir müşâhede ve tedkîk, bu hastalık yüzünden neslimizin maʻrûz bulunduğu ıztırâbı bütün çıplaklığı ve