HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3430 Konya Mebʻûsu Kâzım Hüsnü Bey tarafından intihâbın reʼy-i işârî ile icrâsında mahzûr olma- dığı hakkında serd edilen mütâlaʻa heyʼet-i umûmiyece kabûl olunarak Balıkesir Murahhası, Büyük Millet Meclisi Reîs-i muhteremi Kâzım Paşa hazretleri riyâsete; Ankara Murahhası, Afyonkarahisar Mebʻûsu Ali Beyefendi ile Kırşehir Murahhası, Kocaeli Mebʻûsu Safvet Beyefendi reîs vekîllikle- rine; Samsun Murahhası, Afyonkarahisar Mebʻûsu Ruşen Eşref ve Konya Murahhası ve Mebʻûsu Tevfik Fikret Beyefendiler kâtibliklere intihâb olundular. Baʻdehû makâm-ı riyâseti işgâl eden Kâzım Paşa hazretleri riyâsete intihâbından dolayı heyʼet-i umûmiyeye teşekkür ederek celseyi küşâd eyledi. Rûznâme-i müzâkerâta geçilmezden evvel reîsicumhûr hazretleriyle Büyük Millet Meclisi Riyâseti'ne ve başvekîl paşa hazretlerine arz-ı taʻzîmâtı mutazammın İstanbul Murahhası Doktor İb- rahim Talîʻ Bey ile rüfekâsı tarafından verilen takrîr okunarak ittifâk-ı ârâ ile kabûl ve taʻzîmât heyʼe- tinin vilâyetlerden gelen murahhaslardan teşkîli tensîb olundu. Kongre aʻzâ-yı muhteremesine tevzîʻ olunan merkez-i umûmî ve tedkîk komisyonu raporları- nın her aʻzâ tarafından mütâlaʻa ve tedkîk olunarak bir fikir hâsıl edilebilmesi zımnında ertesi Pazar günü sâʻat 14'de ictimâʻ edilmek üzere celse taʻtîl olundu. İkinci İctimâʻ Birinci Celse Meclis-i umûmî 24 Nisan Pazar günü sâʻat 14'de Cumhûriyet Halk Fırkası Salonu'nda ikinci ictimâʻını Reîs Kâzım Paşa hazretlerinin riyâseti altında akdeyledi. İlk celsede bir fikir hâsıl edilmek üzere aʻzâ- ya tevzîʻ kılınan merkez-i umûmî raporu heyʼet-i umûmiyenin tasvîbine iktirân eyledi. Bunu müteʻâkib merkez-i umûmînin 30 Ha- ziran 1926 târîhine kadar altı aylık devre-i hesâbi- yesiyle muʻâmelâtı tedkîk ve 1927-1928 senesi büdcesine müteʻallik tedkîk komisyonu raporu bi'l-müzâkere kül hâlinde kabûl ve tasdîk edilerek merkez-i umûmînin bu devre-i hesâbiyeden ibrâsı takarrür etdi. Baʻdehû tedkîk komisyonunun hesâbât-ı sâbıkaya âid ve kısm-ı mahsûs hâlinde tevzîʻ olu- nan raporu bazı küçük istîzâhâtı müteʻâkib kabûl edildi. Bilâhare 1927-1928 senesi büdce [356] müzâkeresine ve masârıfât ve vâridât büdcelerinin fasıl fasıl müzâkeresine başlandı. Geçen nüshamızda İstanbul Hilâl-i Ahmer Has- tabakıcı Mektebi'ni ziyâret etdiğini yazdığımız Amerika Salîb-i Ahmer Reîsi Mister Barton Payne cenâbları Mr. Barton Payne, Président de la Croix-Rouge Américaine, dont nous avons annoncé le passage à Constantinople