HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3431 Masârıfât büdcesinin birinci faslını teşkîl eden maʻâşât kısmında bazı taʻdîlât icrâsına dâir mer- kez-i umûmîden takdîm edilen iki takrîr okundu. Bunlardan birincisi Hilâl-i Ahmer Cemʻiyeti'nde nizâmnâme-i esâsî mûcebince merkez-i umûmînin vâsıta-i icrâiyesi heyʼet-i idâre olduğundan imzâ salâhiyeti bulunmayan ve bir seneden beri yapılan tecrübe [357] netîcesinde zâid olduğu tahakkuk eden "müdür" kelimesinin nizâmnâme-i esâsîden tayyı teklîf ve ikinci takrîrde "müdür" tahsîsâtı olan 300 lira ile görülen lüzûm üzerine müfettişler kadrosuna iki müfettiş ilâvesi temennî olunmakda idi. Arabgir Kazâsı Hilâl-i Ahmer Şuʻbe Heyʼeti'yle rozet tevzîʻ heyʼeti bir arada Distribution de la fleurette rouge à Arabgir Merkez-i Umûmî Reîsi Doktor Refik Beyefendi tarafından verilen îzâhât üzerine her iki takrîr kabûle iktirân etdi ve büdce mevâdd-ı nizâmiyesi mûcebince aynı fasıl dâhilinde mâddeden mâddeye münâkale icrâsına merkez-i umûmî meʼzûn bulunduğu cihetle müdür maʻâşının müfettişlik tahsîsâtı- na nakliyle fasl-ı yekûnunda taʻdîlât icrâsı lâzım gelmeyeceği tezekkür olunarak fasıl aynen kabûl edildi. Büdcenin diğer fasılları dahi ayrı ayrı reʼye vazʻ ve îcâb eden îzâhât iʻtâ edilerek kabûl olundu. Bundan sonra vâridât fasılları okundu ve tahakkuk etdirilmesi temennîsiyle büdce mevâdd-ı nizâmiyesi tasvîb edildi. Baʻdehû nizâmnâme-i esâsî mûcebince merkez-i umûmî aʻzâsından beş zâtın ihrâcı için çekilen kurʻa aʻzâdan Hanifzâde Ahmed, Eskişehir Mebʻûsu Emin, Doktor Asım İsmail, Ankara Mebʻûsu Ali ve Kınacızâde Şakir Beylere isâbet eyledi. Keyfiyet heyʼet-i umûmiyeye teblîğ edilerek aʻzâ-yı mûmâileyhim yerlerine aʻzâ intihâb edilmek üzere celse beş dakîka taʻtîl olundu.