HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3433 Bankası'ndaki ihtiyât kasasında ecnâs ve meskûkât-ı muhtelifeden 11.254 lira 70 kuruş mevcûd bu- lunup bu mikdârın 1.072,5 lira Türk altını, 725 aded altın ruble, 150 aded İngiliz altını, 2.341 aded altın Fransız frangı ve 16 adedi zînet altını olup ayrıca 670 aded gümüş mecidiye ve 4.074 kuruşluk mağşûşadan ibâret bulunduğu görülmüşdür. 2-Komisyonumuzun geçen seneki raporunda temennî etdiğimiz vechile idâre-i merkeziye heyʼetinin 5.014 numara ve 28 Eylül [1]341 [1925] târîhli karârına tevfîkan Osmanlı Bankası'ndaki hesâb-ı cârî ile vaʻdeli depo hesâbâtının mezkûr bankadan refʻiyle bu bankaya hesâb-ı cârî için bı- rakılmış olan mikdâr meblağın üçde ikisinin İş Bankası'na ve üçde birinin İʻtibâr-ı Millî Bankası'na devri [359] ve bu mikdârın ancak yirmişer bin lirasının hesâb-ı cârîye ve mütebâkîsinin bir sene vaʻ- deli depo hesâbına tevdîʻi ve Osmanlı Bankası'nda mevcûd vaʻdeli depo hesâbâtının vaʻdeleri hitâm buldukça nisbet-i maʻrûza dâiresinde İş ve İʻtibâr-ı Millî Bankalarına tevdîʻi takarrür ve tatbîk edil- mekle [1]926 devre-i hesâbiyesi zarfında cemʻiyetin gerek depo ve gerek hesâb-ı cârî muʻâmelâtının karâr-ı vâkıʻa tebaʻan İş ve İʻtibâr-ı Millî Bankalarıyla icrâ edilemekde olduğu ve yalnız Avrupa ile nakid nakliyâtını teʼmîn etmek üzere Osmanlı Bankası'nın İstanbul şuʻbesinde bir mikdâr para bulun- durulmakda olduğu bi't-tedkîk meşhûdumuz olmuşdur. Îzâhât-ı maʻrûza dâiresinde: a) İş Bankası'nın İstanbul şuʻbesine tevdîʻ kılınmış olan vaʻdeli depo hesâbâtı 511.853 lira 65 kuruşdan ibâret olup % 7 fâiz-i senevînin bâliğ olduğu mikdâr dahi işbu yekûn içinde bulunmakdadır. b) Cemʻiyetin İʻtibâr-ı Millî Bankası'nın İstanbul merkezinde % 7 fâizli 261.350 lira ve kezâlik Zirâʻat Bankası'nın şuʻbesinde yine % 7 fâizli 64.200 lira depo hesâbâtı mevcûddur. c) Hilâl-i Ahmer'in Osmanlı Bankası'nın Galata merkeziyle % 4 fâizli 10.400 lira vaʻdeli depo hesâbının ikinci mâddede arz etdiğimiz karârdan mülhem olarak önümüzdeki devre-i hesâbiyede di- ğer bankalara tevzîʻ edildiği görülmüşdür. 3-Hilâl-i Ahmer'in hesâb-ı cârî muʻâmelâtı ale'l-umûm İş, İʻtibâr-ı Millî ve Zirâʻat Bankalarıy- ladır. Bilançoda müşâhede buyurulacağı üzere cemʻiyetin İş Bankası'nın İstanbul şuʻbesiyle 4.885 lira 55 kuruş, kezâlik İʻtibâr-ı Millî Bankası'nın Ankara şuʻbesiyle 54.301 lira 63 kuruş hesâb-ı cârîsi mevcûddur. 4-Cemʻiyetin Zirâʻat Bankası'nın Ankara şuʻbesiyle % 4 fâizli 5.193 lira 75 kuruş A işâretli ve 15.769 lira 74 kuruş H işâretli iki kısım hesâb-ı cârîsi mevcûd olup A ve H işâretlerinin sebeb-i vazʻı, hesâb-ı cârî muʻâmelesinin bankaca tahakkuku ânında gösterilmekde olan müşkilâtdan tevakkî için cemʻiyetçe ihtiyâr edilmiş bir zarûret olduğu iddiʻâ olunuyorsa da bir şahsiyet-i maʻneviyenin aynı bankada ikiye münkasem hesâb-ı cârî istiʻmâli esâsât-ı mâliyece kâbil-i teʼlîf görülemediğinden ko- misyonumuz önümüzdeki devre-i hesâbiyede bu usûlün tashîhini şâyân-ı temennî görmekdedir. 5-Hilâl-i Ahmer'in Avrupa ile olacak nakid nakliyâtını idâre etmek üzere Osmanlı Bankası'nın Galata merkeziyle % 2,5 fâizli 86.031 lira 12 kuruş, Eskişehir şuʻbesiyle 14.025 lira 94 kuruş ve An- kara şuʻbesiyle de 1.125 lira 51 kuruş mikdârında mevcûd hesâb-ı cârîlerinin ikinci mâddemizde arz u tasrîh etdiğimiz karâr dâiresinde muʻâmele icrâsını şâyân-ı temennî görürüz. 6-Şehbenderlerimiz nezdinde bulundurulmakda olan şefkat pulları satışlarıyla memâlik-i ecne- biyeden gönderilen teberruʻât ve iʻânât ekseriyetle İngiliz lirası olarak gönderilmekde olup mebâliğ-i mezkûre Osmanlı Bankası'nda hıfz olunmakdadır. [1]926 devre-i hesâbiyesi zarfında 542 sterlin 14 şilin ve 1 peni vürûd edip havâle mektûbunun Hilâl-i Ahmer'e teblîği târîhindeki kur üzerinden bâliği 4.166 lira 16 kuruş tutmakla aynen bilançoya terkîm kılınmışdır.