HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3434 7-Kezâlik Sofya Şehbenderliği'mizden şefkat pulu hâsılâtı olarak gönderilen levanın Hilâl-i Ahmer'e vürûdu târîhindeki kura nazaran bâliği 3.311 lira 15 kuruş tutmakla aynen bilançoya geçi- rilmişdir. "Matlûbât-ı Muhtelife" nâmıyla bilançoda manzûr-ı âlîleri buyurulan ve Hilâl-i Ahmer'e borçlu olan muhtelif medyûnlar ile merâkiz ve şuʻabâtdan Hilâl-i Ahmer'in alacağı olan mikdâr ve tahsîl olunacak senedât-ı cüzdân mevcûdu, kıyem ve tahvîlât cüzdânı ve merkez-i umûmî ile merâkiz ve şuʻabâtın demirbaş eşyâsının kuruşlandırılmasından mütevellid bilançoya terkîm kılınan makâdîrin yekûn-ı umûmîsi 442,173 lira 67 kuruşdan ibâret olup her mâddenin cedveli heyʼet-i muhteremeyi tenvîr zımnında raporumuza rabt edilmişdir. Bunlardan kıyem ve tahvîlât cüzdânı mâddesinde [360] geçen seneye nisbetle müşâhede olunan fazlalığın bir kısmı emvâl-i menkûle mâddesindeki yat kulü- bü hisse senedâtının bu mâddeye naklinden ve altı aded Rumeli tahvîlâtı ile beş aded 1903 ve on beş aded 1911 kredi fonsiye tahvîllerinin teberruʻundan ve kuyûd ile mevcûd arasında noksân görünen on üç aded yirmişer lira kıymet-i iʻtibâriyesindeki istikrâz-ı dâhilî tahvîlinin ziyâʻı hakkındaki komis- yonumuzun geçen seneki raporunun yedinci mâddesindeki temennîmizin heyʼet-i umûmiyece kabûlü üzerine bu mâddeye mahsûbundan ileri geldiği bi't-tedkîk anlaşılmışdır. "Emvâl-i Gayr-ı Menkûle" unvânıyla bilançoda murakkam bulunan 155.145 lira 55 kuruşun listesi rabt edilmişdir. 21.445 lira 85 kuruşu Hilâl-i Ahmer'in bazı müessesât ve eşhâsa derhâl tesviyesiyle mükellef olmayıp ancak bir mahkeme karârıyla lâzımü''t-teʼdiye borçlarının tesviyesi için tasfiye olunacak düyûnât karşılığı nâmıyla bilançoya vazʻ ve kezâlik 55.139 lira 34 kuruşu Hilâl-i Ahmer'in usûl-i hesâbiyesine nazaran şuʻabâtdan gönderilen paraların o şuʻbelerin merkezdeki matlûbuna kaydedil- mesinden ve evrâk-ı hesâbiyesinin vürûduna kadar şuʻbelere matlûb karşılığı nâmıyla nâzım bir mâd- denin açılması zarûretine mebnî vazʻ edilmiş ve 78.560 lira 35 kuruşu dahi tasfiye olunacak matlûbât nâmıyla bilançoya geçirilmişdir. İşbu hesâbât hakkında mütâlaʻâtımız ber-vech-i âtî arz olunur: 1-Haleb merkezinin bâğ mübâyaʻasından bakıyye-i zimmeti olan 20.176 lira 62 kuruşa müte- ferriʻ evrâkın tedkîkinde [1]334 [1918] senesinde Haleb'den mübâyaʻa edilen ve Suriye ricʻatinde nakledilemeyerek bir kısmı Humus'da ve bir kısmı Haleb'de kalarak Humus'dakinin Şerif Faysal tarafından Humus'da bir mekteb inşâsına sarf ve tahsîs edilmesinden ve Haleb'dekinin Merkez Reîsi Enis Paşa'nın vukûʻ-ı vefâtına binâen taʻyîn ve tesbîti mümkün olamamış ve merkez-i umûmîce bu bâbda mütemâdî taʻkîbâtda bulunduğu görülmüşdür. Meblağ-ı mezbûrun hesâbında ibkâsıyla taʻkîbi, 2-Tevârîh-i muhtelifede müfettiş-i umûmîlik tarafından sarf edilmiş olan ve evrâk-ı sarfiye mâ- hiyeti iʻtibârıyla sinîn-i sâbıkaya âid ve hakkında heyʼet-i idâre ve merkez-i umûmî karârları istihsâli lâzım geldiği mütâlaʻasıyla muhâsebece muʻâmele-i mahsûbiyesi îfâ edilemeyerek bu hesâba nakle- dilmiş olan 11.229 lira 94 kuruşun vesâiki tedkîk edildikde kısmen vesâik-i sarfiyenin mevzûʻ usûle muvâfık olarak tanzîm edilmediği görülmüş ise de Fransız ve İngilizlerin topdan eşyâ satışlarının mü- bâyaʻasına âid bulunduğundan ve mübâyaʻa kıymetleri şâyân-ı istiksâr olmadığından işbu mikdârın kabûl ve mahsûbu lâzım geldiği, 3-Ankara murahhaslığı tarafından teʼsîs ve idâre olunan dakîk fabrikası ve muʻâmelâtının netî- ce-i zararı olarak bu hesâba mukayyed 7.480 lira 76 kuruş otuz para hakkında Ankara murahhaslığı muʻâmelâtına âid kısm-ı mahsûsda verilen îzâhât mûcebince muʻâmele îfâsı, 4-Trakya Müdâfaʻa-i Hukûk Cemʻiyeti'nin Edirne merkezinden aldığı 6.500 liranın evrâk ve vesâiki tedkîk edilmiş ve işbu paranın Trakya müdâfaʻası ihtiyâcât-ı sıhhiyesine sarf edildiği kanâʻati