HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3437 Ahmer'in kendi depolarındaki bi'l-umûm eşyâ, malzeme ve levâzımın mâliyet fî-i vasatîsinin ifâde- sinden ibâret olup Eskişehir anbârı eczâ ve âlât-ı cerrâhiye, porselen ve eşyâ-yı mütenevviʻa, çamaşır, makine ve otomobil, demir ve kereste ve telefon şuʻbeleri mevcûdlarını gösteren ve anbâr müdürüyle şuʻbe meʼmûrları tarafından imzâ edilmiş olan cedveller tedkîk ve kuyûdâtla kontrolleri icrâ kılınmış- dır. Kezâlik İstanbul anbârlarındaki eczâ, otomobil, porselen, demir ve kereste, telefon ve elektrik ve Çırağan kısmı çamaşır şuʻbelerinde mevcûd görünen eşyâdan [1]926 senesi bilançosunun tanzîminde Eskişehir merkez anbârlarına henüz sevk edilmeyen aksâm ile satılığa ayrılıp henüz satılamayan eş- yâdan ibâret bulundukları tedkîkâtımız netîcesinde anlaşılmışdır. "Muhtelif Malzeme Medyûnları" nâmıyla bilançoya 9.219 lira mevzûʻdur. Hilâl-i Ahmer de- polarından gerek eşhâs ve gerek hastahâne ve müessesât taraflarından tesellüm edilmiş olan mal- zemeden kıymetleri olup tasfiyeleriyle hesâbât-ı âidelerine nakli komisyonumuzca şâyân-ı temennî görülmekdedir. "Kıymet-i İʻtibâriyeli Evrâk" unvânı altında maktûʻ makbûzlar ve şefkat pulları kıymet-i iʻti- bâriyelerinin cemʻan yekûn bâliği olan 1.753.176 liranın kuyûd ve mevcûdât ve hesâb-ı nâzımıyla kontrolü bi'l-icrâ muvâfık-ı usûl bulunduğu anlaşılmışdır. "Tasfiye Olunacak Malzeme Matlûbâtı". Bu bâbda kısm-ı mahsûsunda encümene mütâlaʻâtını arz etmişdir. "İhtiyât Akçesi" faslını teşkîl eden ve bilançoda esâmîsi mezkûr bulunan mevâddın hizâlarına mevzûʻ erkâmın Hilâl-i Ahmer'in usûl-i hesâbiyesi dâiresinde tedkîkâtı bi'l-icrâ vesâik-i hesâbiye- sine tamâmıyla mutâbık bulunduğu müşâhede olunmuşdur. Bu münâsebetle ihtiyât akçesi hakkında muhtasar bir hulâsa arz etmeği istifâdeden hâlî görmemekdeyiz. Cemʻiyetin ihtiyât akçesi 1.622.513 lira olup bunun 1.100.000 lirası kasa ve bankalarda, mütebâkîsi muhtelif medyûnlarda ve kıyem ve tahvîlâtda, merâkiz ve şuʻabât kasalarında ve emvâl-i gayr-ı menkûlede bulunmakdadır. "Malzeme Hesâb-ı Katʻîsi" tablosunda müşâhede buyurulacağı üzere hesâb-ı katʻî fazla sar- fiyâtı ile zimmet ve matlûbun hâl-i tevâzun ve mutâbakatda bulunduğu ve ihtiyât malzeme hesâb-ı katʻîsinin cemʻan yekûn-ı bâliği 757.564 lira olup bunun Eskişehir anbârları mevcûdunun bilanço- da müfredâtı muharrer makâdîri yekûnu olan 510.511 ve İstanbul anbârları mevcûdunun bilançoda müfredâtı muharrer makâdîri yekûnu olan 237.833 ve bir de muhtelif malzeme medyûn ve dâyinle- rinin [363] yekûn-ı bâliği olan 9.219 ki, üçünün cemʻan yekûnu 757.564 lira ile kontrolü netîcesinde hesâbât-ı vâkıʻanın muvâfık-ı hakîkat ve usûl bulunduğu bi't-tedkîk anlaşılmışdır. "1 Kânûn-ı Sânî [1]926 – 1 Temmuz [1]926 Büdce Hesâb-ı Katʻîsi" dahi usûl ve esâsât-ı mah- sûsa dâiresinde kontrol edilerek büdce mevâdd-ı nizâmiyesinin taʻrîfâtına tevfîk-i muʻâmele edilerek gerek vâridâtın tahakkukunda ve gerek masârıfâtın icrâsında mevâdd-ı nizâmiye hâricine çıkılmadı- ğı meşhûdumuz olmuşdur. Yalnız pek şâyân-ı dikkat bir nokta olmak üzere hesâb-ı katʻîsini tedkîk etdiğimiz bu altı aylık büdcenin vâridât fasıllarındaki erkâm-ı muhammenenin aynen tahakkuk ve tahsîl edilemediği ez-cümle 79.000 ve 20.000 lira tahmîn edilen âidâtın 8.000 ve 3.000 lira tasavvur edilen hükûmet ve idâre-i mahalliyeler büdcelerindeki mikdâr-ı muʻâvenetin 1.400 lira gibi atf-ı kıy- met edilecek derecede noksân ile tahakkuk edildikleri meşhûdumuz olmuşdur. Her ne kadar 498.685 lira tahmîn edilen envâʻ-ı vâridât mecmûʻu 1.871 lira fazlasıyla 500.557 lira tahkîk etdirilmişse de fazlalığın bilhâssa malzeme satış hâsılâtı gibi Hilâl-i Ahmer vâridât kalemleri meyânında dâimî mâ- hiyeti olmayan ve önümüzdeki senelerde vâridât tablosuna geçirilemeyecek olan satış hâsılâtından ileri gelmiş olduğunu heyʼet-i muhteremenin nazar-ı ıttılâʻına arz etmek lüzûmunu hissetdik. Hilâl-i