HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3441 Teberruʻât Bayezid vâlîsi beyefendinin delâletleriyle Sıhhiye ve Muʻâvenet-i İctimâʻiye Müdürü Kemal Bey'in kerîmeleri Cahide ve Cazibe ve Mahkeme-i Asliye aʻzâsından Müştak Bey kerîmesi Nebahat ve Yüzbaşı Raci Bey kerîmesi Fikret Hanımlar maʻrifetiyle geçen bayram rozet tevzîʻâtından 5.321 kuruş hâsıl olmuşdur. Müteberriʻîn ve mütevassıtîn-i muhteremeye şükrânlarımızı takdîm ederiz. _______________ Tarsus refîkimizde okunmuşdur: "-Hilâl-i Ahmer'de Hilâl-i Ahmer Cemʻiyeti Mersin Şuʻbesi yeni sene için faʻâliyetini ar- tırmışdır. Muhterem reîs Zirâʻat Bank Müdürü Şevket Bey'in ve rüfekâsı- nın saʻy ü gayretiyle bu sene Hilâl-i Ahmer aʻzâ adedinin iki bini tecâvüz edeceği tahmîn olunmakdadır. Bu sûretle senelik taʻahhüdât tezâyüd edecek ve Hilâl-i Ahmer'in vâridâtı tabîʻatıyla artacakdır. Aʻzâ kaydında ve taʻahhüdât tesbîtinde her şahıs kendi arzusuna bırakılmakdadır. Bunda ise büyük isâbet vardır. Mersin Hilâl-i Ahmeri herkesin muʻâmele yapdığı bazı devâir-i resmi- ye ve ticâriyeye kutular taʻlîk etmek- dedir. Ashâb-ı hayr u hasenâtın bu ku- tulara şen ve mesʻûd zamânlarında, işlerinin iyi gitdiği sıralarda gönüllerinden kopan birkaç kuruşluk teberruʻu esirgemeyecekleri ümîd edilmekdedir. Hilâl-i Ahmer her şahsa yardım eden, felâket ve elem günlerinde bize çâre arayan bir müesse- sedir. Buna verilen teberruʻlar toplanarak bir yekûn teşkîl eder. Meşhûr analar sözüdür: "-Damla damla göl olur". [366] İstanbul'da bayram günü rozet tevzîʻâtı intibâʻâtından Distribution de la fleurette rouge à Constantinople