HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3446 Bu vechile taʻayyün eden merkezî heyʼet Türk Ocağı Salonu'nda ilk ictimâʻını akdetmiş ve idâre heyʼetini intihâb etmişdir: * Riyâsete Doktor Şeref Bey * Kitâbete Hastahâne Kâtibi Râzi Bey * Muhâsibliğe Diş Tabîbi Tevfik Bey * Veznedârlığa Samurîzâde İzzet Bey Kadıköyü'nde rozet tevzîʻâtı intibâʻâtından Distribution de la fleurette rouge à Cadı Keuy Büyük Ümîd 3 Nisan [1]927 târîhine musâdif Pazar günü Hilâl-i Ahmer Cemʻiyeti'nin yevm-i mahsûsu ol- mak iʻtibârıylaArabgir kasabası Ramazân Bayramı'nı çok hayırkâr ve şefkatli nevâzişle karşılamışdır. Havânın bulutlu ve mağmûm olmasına rağmen kasabanın muhtelif mahallâtında kutular gezdirilmiş, münevver gençler tarafından tevzîʻ edilen rozetleri bir nişâne-i fazîlet şeklinde sîne-i mürüvvetine takmak için halkın [370] kalbden kopan hâhişle gösterdiği müsâbaka-i hamiyet çok yüksek bir man- zara teşkîl etmişdir. Vesâit ve terakkiyât-ı sınâʻiyeye henüz mazhar olamayan ve avârız-ı tabîʻiyesi hasebiyle zirâʻati de inkişâf edemeyen ve nisbeten ücrâ Arabgir kasabası fakr hâline nisbetle hamiyet ve vicdân borcunu geçmiş senelere nazaran pek büyük bir âlî-cenâblık ile ödemiş, kutular muhte- viyâtının heyʼet huzûrunda küşâd ve taʻdâdında teberruʻât yekûnunun on bir bin beş yüz otuz beş kuruşa bâliğ olduğu görülmüşdür. Hilâl-i Ahmer'e bilhâssa gençlerimiz tarafından tehâlükle ızhâr olunan şu sehâ ve alâkayı bir lisân-ı şükrânla yâd ederken azîz milletimin yaşamak ve yükselmek için çırpınan benliğini kemâl-i hürmetle takdîs ederim. Büyük ve kurtarıcı inkılâbın, halk rûhunun en