HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3447 derin köşelerinde bırakdığı feyyâz intibâh bugün olduğu kadar yarının mefkûrevî ve milliyet-perver unsur-ı metînini yaratacakdır. Lâ-yezâl cumhûriyet ışığının aydınlatdığı azim ve mesâʻî yolunda yo- rulmak bilmeyen bir şetâretle yürüyen bugünkü nesil, istikbâlin en medenî, en müterakkî milleti ola- cağında şübhe yokdur. Daha birkaç sene evvelki zamânların duygu ve fikirlerimiz iʻtibârıyla bizden asırlarca uzaklaşmış olduğuna inanacağımız geliyor. Milletimizin bugünkü seciyesi, irâde ve azim ile hulâsa edilebilir. Nesl-i hâzır rûh ve fikrine, düne kadar sarılan karışık ve kirli ağları, zehirli zincirleri kırıp parçaladıkdan sonra artık medeniyetin şu sâha-i vesîʻinde yürütmeğe hiçbir mâniʻ kalmamışdır. Ferdlerimiz, heyʼet-i ictimâʻiye arasında nâfiʻ ve müsmir bir cüzʼ-i faʻâl olmak endîşesini taşıyor! Oh!.. Bu tatlı endîşe yarın için kurtarıcı bir beşâret değil mi? Arabgir Zeki Ferruh Malatya Hilâl-i Ahmer Merkezi Malatya Vilâyeti Hilâl-i Ahmeri senelik ictimâʻ-ı umûmîsini Türk Ocağı'nda 1.4.[1]927 târîhinde sâʻat on üçde akdetmişdir. Hilâl-i Ahmer Reîs-i muhteremi Vilâ- yet Sıhhiye ve Muʻâvenet-i İctimâʻiye Müdü- rü Hayri Beyefendi, meclisi, Hilâl-i Ahmer'in târîh-i sıhhîde her vakit için hayırla yâd edilen fâideli hizmetlerinden ve bu kıdemli şefkat müessesesinin insâniyet nâmına mesbûk me- denî faʻâliyetinden bâhis nutkuyla [371] küşâd etmiş ve senelik bilanço ile büdceyi heyʼet-i umûmiyeye arz eylemişdir. Hastahâne Dâhiliye Mütehassısı Sabri Tahsin Bey tarafından büdce ile bilançonun müfredât vechile kırâatını müteʻâkib heyʼet-i umûmiyece müttefikan kabûlüne karâr verilmiş ve nizâmnâme mûcebince heyʼet-i merkeziye- ye alınacak ve çıkarılacak sülüs aʻzânın tesbîti muʻâmelesine geçilmişdir. Heyʼet-i merkeziyeden çıkanlar * Vilâyet Jandarma Kumandanı Binbaşı Süheyl İzzet Bey * İlk Mektebler Müfettişi Mevlüd Bey * Maʻârif Kâtibi Muharrem Bey * Tüccârândan Hızır Ağazâde Mehmed Bey * Hastahâne Başhemşîresi Meliha Hanım Kadıköyü'nde rozet tevzîʻâtı intibâʻâtından Distribution de la fleurette rouge à Cadı Keuy