HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 69 3449 Kâhta Hilâl-i Ahmer Şuʻbesi Kâhta gibi ancak 50-60 hâneden mürekkeb bir kazâ merkezinde Hilâl-i Ahmer şuʻbesi heyʼet-i idâre [372] aʻzâsından Vasfi, Mehmed Ali, İsmail ve Mehmed Beylerin fevkalâde himmet ve gayret- leri netîcesinde Ramazân Bayramı'nda rozet tevzîʻinden 2.840 kuruş ve bayramın üçüncü günü kazâ merkezinde verilen müsâmereden 100 liradan fazla hâsılât teʼmîn edilmişdir. Pek muhterem bu hamiyetli vatandâşlara şükrânlarımızı takdîm ederiz. _______________ Kilis Hilâl-i Ahmer Şuʻbesi Kilis Hilâl-i Ahmer Şuʻbesi'nde faʻâliyetle aʻzâ kaydına devâm edildiğini Kilis refîkimizde okuduk. Muhterem Kilislilerin öteden beri Hilâl-i Ahmer'e karşı besledikleri muhabbetin âsârını bu aʻzâ kaydıyla da göreceğimizde şübhe etmiyoruz. _______________ Mersin Hilâl-i Ahmer Merkezi Hilâl-i Ahmer Cemʻiyeti Mersin Heyʼet-i İdâre ve Merkeziyesi'nin vukûʻ-ı istiʻfâsına binâen 9 Nisan Cumartesi günü Türk Ocağı Salonu'nda yeniden intihâb yapılmışdır. İntihâbâtdan evvel mevcûd aʻzâ adedi tesbît edilmiş ve elliyi tecâvüz etdiğinden muvakkat riyâ- sete vâlî bey intihâb edilerek kâğıd dağıtılmış ve tasnîf-i ârâda ber-vech-i zîr esâmîsi muharrer zevât heyʼet-i merkeziyeye tefrîk olunmuşlardır: * Diş Tabîbi Kâmil Bey * Zirâʻat Bankası Müdürü Şevket Bey * Doktor Hıfzı Mahmud Bey * Eczâcı Şevket Bey * Tüccârdan Kırzâde Kâzım Bey * Doğruöz Matbaʻası Sâhibi Ata Bey * Komisyoncu Muharrem Bey * Hıfzı Bey refikası Hafize Hanım * Diş Tabîbi Kâmil Bey refikası hanım * Türk Ocağı'ndan Asım Bey * Doktor Abdullah Bey * Doktor Kâni Bey * Doktor İsmail Kâmil Bey