HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3497 Hilâl-i Ahmer Birinci Mıntıka Müfettişliği Müfettişler taʻlîmâtnâmesi mûcebince Hilâl-i Ahmer müfettişlerinin ilk altı aylık faʻâliyetleri staj sayılmakda ve bu müddetin hitâmında meʼmûrîn-i asliyeden olarak taʻyînleri bi'l-inhâ merkez-i umûmîce icrâ kılınması lâzım gelmekdedir. Geçen sene taʻyîn edilen dört müfettişden Birinci Mıntıka Müfettişi Mazlum Rasim Bey'in ilk altı aylık stajdan sonra yeniden inhâsı icrâ kılınmamasına mebnî vazîfesinden afvıyla yerine dördüncü mıntıka müfettişi iken bazı esbâb-ı âileviyeden dolayı mukad- demâ istiʻfâ eden ve bu esbâbın zevâliyle yeniden arz-ı hizmet eden müfettiş Mustafa Bey'in taʻyîni icrâ edilmişdir. _______________ Müdâfaʻa-i Milliye Vekîl-i Âlîsi Receb Beyefendi bütün kolordu, kıtaʻât-ı müstakille kuman- danlıklarıyla müessesâta yazdığı tahrîrât-ı umûmiye ile bütün ordu mensûbîninden Hilâl-i Ahmer'e aʻzâ kaydedilmelerini teblîğ etmişdir. Vekîl beyefendinin Hilâl-i Ahmer hakkında ibzâl eyledikleri teveccühâta merkez-i umûmîce arz-ı teşekkür edilmişdir. Sûret, Gâzî Paşa hazretleri Büyük Millet Meclisi'nin devre-i ictimâʻiyesi bidâyetindeki nutuklarında Hilâl-i Ahmer Cemʻiyeti aʻzâ adedinin milletin seviye-i ictimâʻiyesiyle mütenâsib bir mikdâra iblâğı temenniyâtını ızhâr buyurmuşlardı. Memleketin münevver kitlesi meyânında bulunan ordu mensûbî- ninin bu cemʻiyet-i hayriyeye iştirâk edecekleri vâreste-i teemmül görülmekdedir. Bilhâssa harb ve ictimâʻî felâket esnâsında muʻâveneti sebk etmekde bulunan bu müesseseye zahîr olmak ayrıca da bir vazîfe-i milliyedir. Bu nukât-ı nazardan, kaydolunmak şâyân-ı arzu olduğundan bu husûsun en küçük teşkîlâta ka- dar taʻmîmini ricâ ederim. Müdâfaʻa-i Milliye Vekîli Receb Edhem Pertev Bey'in Vefâtı Hilâl-i Ahmer Cemʻiyeti'nin birçok seneler heyʼet-i merkeziye ve idâresi aʻzâsından ve cemʻiyetin ihyâen te- şekkülünde müessisîninden bulunan Edhem Pertev Bey bir seneden fazla bir zamândan beri giriftâr olduğu [408] illet- den şifâyâb olamayarak bayramın ikinci Cumartesi günü Acıbadem'de ikâmet etmekde olduğu köşkde vefât etdi. Nezâhet-i ahlâkıyla, ulviyet-i vicdânıyla, pek te- miz olan kalbiyle, tevâzuʻuyla ve'l-hâsıl birçok fezâil ve mezâyâsıyla her muhîtde kendisini sevdirmiş olan merhû- mun cemʻiyetimize pek mühim ve hattâ diyebiliriz ki pek fedâkârâne hizmetleri sebk etmişdir. Hilâl-i Ahmer müessislerinden Edhem Pertev Bey merhûm Feu Edhem Pertev Bey, un des fondateurs du Croissant-Rouge