HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3499 Adana Hilâl-i Ahmer Merkezi'nin Yeni Binâsı Adana Hilâl-i Ahmer Heyʼet-i Merkeziyesi'nin taht-ı işgâlinde olup iki seneden beri temlîki esbâbına tevessül olunan beş bâb odayı muhtevî olan binânın üç bâb mağazadan ibâret müştemilât-ı asliyesiyle [409] berâber bu kere yedi bin beş yüz liraya merkez-i umûmî nâmına ihâle-i katʻiyesi icrâ etdirilmiş ve binânın taʻmîrâtına mübâşeret olunmuşdur. İstanbul Aksaray Hilâl-i Ahmer Şuʻbesi'nin resm-i küşâdını gösterir grup Groupe représentant lʼouverture de notre branche dʼAk-Seraï Stamboul Adana Hilâl-i Ahmer Merkezi Dispanseri Adana Hilâl-i Ahmer Dispanseri'ne şehr-i Nisan zarfında 890 ve Mayıs zarfında 780 hasta mürâcaʻat ederek tedâvîleri icrâ ve muʻâleceleri meccânen iʻtâ edilmişdir. Hilâl-i Ahmer'i Unutma! En müşkil zamânlarda yaranı saran, hastalığına bakan, açlık zamânında seni bir sıcak çay veyâhûd çorba ile doyurmaya çalışan, esâret zamânında mektûblarını ve emânetlerini nakleden ve sana mümkün olan muʻâveneti yapan, ihtiyâc vaktinde seni giydirip hayâtını hıfz eyleyen, en elîm zamânlarında senin imdâdına koşan ve seni düşünen Hilâl-i Ahmer'i unutma. Onu sev ve sevdir. Ona zahîr ol. Çünkü Hilâl-i Ahmer senin ve hepimizindir!