HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3511 Amerika Salîb-i Ahmeri'nin dört ay zarfında muʻâvenet faʻâliyetini hüsn-i netîceye îsâl etmiş olması teşkîlâtının mükemmeliyetine ve îfâ-yı vazîfedeki sürʻatine delâlet eden güzel bir misâldir. *** Şangay'daki Amerika Tebaʻası Amerika Salîb-i Ahmeri Şangay'da muhtâc-ı muʻâvenet Amerika tebaʻasına tevzîʻ edilmek üze- re konsolosuna 10.000 dolar göndermişdir. *** Mississippi Nehri Feyezânı Saint Louis'den Meksika Körfezi'ne kadar imtidâd eden Mississippi vâdîsi en müdhiş feyezân- larla büyük bir felâkete maʻrûz kalmışdır. İlkbahârda karların erimesi ve Mississippi vâdîsine düşen çok şiddetli yağmurlar bu felâketin zuhûruna sebeb olmuşdur. Maʻlûm olduğu üzere nehir Hükûmât-ı Müttehide'nin hemen tekmîl kısm-ı merkezîsinden geç- mekdedir. 8 Nisan'da Kansas ve Oklahoma hükûmetleri dâhilinde cereyân eden enhârdan bazıları yağan yağmurlardan taşarak büyük bir sâhayı istîlâ etmiş ve 19 kişi telef ve birçok insân mecrûh olmuşdur. Bu esnâda Mississippi nehrinin suları bazı mahallerde yükseldiğinden hâl ve vazʻiyetin vehâ- met ve ciddiyeti derpîş edilerek hükûmetle [419] Salîb-i Ahmer îcâb eden tedâbîri müştereken ittihâz etmiş ve ez-cümle nehrin irvâ etdiği havâlîye tesâdüf eden Salîb-i Ahmer merâkiz ve şuʻabâtının muʻâvenet için istihzârâtda bulunması karârgîr olmuş idi. Yağmurların lâ-yenkatıʻ devâmı ve tehlikenin gitdikçe tezâyüd etmesi üzerine bu karârdan sarf-ı nazar edilerek muʻâvenet teşkîlâtını Amerika Salîb-i Ahmeri bizzât derʻuhde etmiş ve en mü- him mikdârı Menfis'de bulunan mültecîler için birçok kamplar teʼsîs olunmuşdur. Amerika reîsicumhûru ve aynı zamânda Salîb-i Ahmer reîsi olan Mister Coolidge, 23 Nisan'da Harbiye, Bahriye, Mâliye ve Ticâret nâzırlarından mürekkeb olmak üzere teşkîl etdiği komisyonu Salîb-i Ahmerle müştereken bir muʻâvenet planı tertîbine meʼmûr etmişdir. Bundan mâʻadâ Mister Coolidge neşretdiği bir beyânnâme ile 5.000.000 dolar (Bilâhare 10.000.000'[a] iblâğ olunmuşdur.) taleb ve imdâd ve muʻâvenete âid bi'l-cümle icrââtı resmen Salîb-i Ahmer'e tevdîʻ etmişdir. 29 Nisan'da 400.000 mültecîye muʻâvenet edilebilmesi teʼmîn olunmuşdur. Şimdiye kadar su- lar altında kalan arâzî 2.800.000 hektardır. 12.000.000 hektarlık diğer bir kısım arâzî de istîlâ tehli- kesine maʻrûzdur. Bu felâketde telef olanların mikdârı 300 kişidir. 300.000'den fazla insân meskensiz kalmışdır. Felâkete dûçâr olan havâlî halkına Salîb-i Ahmer tarafından aşı tatbîk edilmiş ve televvüs eden sulardan zuhûru muhtemel olan emrâz-ı müstevliyeye karşı tertîbât-ı lâzıme alınmışdır. Lüzûmu takdîrinde Amerika Salîb-i Ahmeri 42.000 hastabakıcıyı seferber bir hâle vazʻ edebi- lecekdir. _______________