HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3512 Yunan Salîb-i Ahmer Hastahânesi Bir numûne hastahânesiyle bir hastabakıcı yurdu inşâsını tasavvur etmekde olan Yunan Salîb-i Ahmeri, Mösyö Benaki nâmında zengin bir zâtın masârıf-ı inşâiyenin bir sülüsüne iştirâk etmesi sû- retiyle bu tasavvuru kuvveden fiʻle çıkaracakdır. İnşâât masârıfının kısm-ı mütebâkîsi bir müessese-i hayır ile Salîb-i Ahmer arasında taksîm edilecekdir. Yunan Salîb-i Ahmeri Mösyö Benaki'nin bu teberruʻuna mukâbele-i şükrân olmak üzere mûmâileyhi bir kıtʻa Salîb-i Ahmer gümüş madalyası ile taltîf etmiş ve hastahânenin bir cenâhına müteberriʻin ismini vermeği taht-ı karâra almışdır. *** Ellinci Devr-i Senevî 1877 târîhinde teessüs eden Yunan Salîb-i Ahmeri bu sene ellinci devr-i senevîsini merâsim-i mahsûsa ile tesʻîd edecekdir ve bu münâsebetle Rum, İngiliz, Fransız lisânlarıyla şimdiden bir risâle-i fevkalâde neşredilmişdir. *** Hastabakıcılar Yunan Salîb-i Ahmeri mesleklerinde tekemmül etmek üzere en müstaʻid hastabakıcılardan iki hemşîreyi Paris'e ve diğer iki hemşîreyi de beynelmilel hastabakıcı kurslarını taʻkîb etmek üzere Londra'ya iʻzâm etmiş idi. [420] Bu hastabakıcıların avdetinden sonra Yunan Salîb-i Ahmeri hastabakıcı mektebleriyle tâlibâta mahsûs bir yurd küşâd etmişdir. *** Hıfzıssıhha Merkezleri Yunan Salîb-i Ahmeri muhâcirlerin iskân edildiği mahallerde ziyâretçi hastabakıcıların idâre- sinde bir ictimâʻî hıfzıssıhha dispanseri açmışdır. Bundan mâʻadâ kemik veremine mübtelâ olan ço- cuklara mahsûs bir dispanser ve mekteb çocukları arasında icrâ-yı hüküm eden trahoma karşı Lorium ve Larissa'da birer Trahom Mücâdele Dispanseri ve Pire'de Emrâz-ı Zühreviye Dispanseri mevcûddur. *** Verem Mücâdelesi Vereme Karşı Mücâdele Birliği Dispanseri'ne muʻâvenet-i nakdiyede bulunan Yunan Salîb-i Ahmeri iki seneden beri veremli vâlidelerden doğan çocuklara Calmette aşısını tatbîk etmekdedir. ***