HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3513 Hıfzıssıhha Tedrîsâtı Yunan Salîb-i Ahmeri birçok risâle ve afişler tevzîʻi sûretiyle hıfzıssıhha prensiplerinin taʻmî- mine çalışmakdadır. Sıtmayla Mücâdele Cemʻiyeti ve Sıhhiye-i Umûmiye Nezâreti'yle müştereken Makedonya ve Trakya'nın bütün şehirlerinde tertîb etdiği projeksiyonlu konferanslarla malarya mücâdelesine âid tedâbîri göstermekdedir. Yunan Salîb-i Ahmeri mühim mikdârda İskân-ı Muhâcirîn Komisyonu tarafından verilen kini- nin fukarâ-yı ahâlîye tevzîʻini derʻuhde etmişdir. *** İmdâd ve Muʻâvenet Yunan Salîb-i Ahmeri kendi hastahâneleri için 1.000 yataklık malzeme ile 200 yataklık bir cer- râhî ambülansı her dakîka emre müheyyâ bulundurmakdadır. *** Gençlik Salîb-i Ahmeri Yunan Gençlik Salîb-i Ahmeri'nin aded-i aʻzâsı 150.000'e bâliğ olmuşdur. *** Teşkîlât ve Propaganda Yunan Salîb-i Ahmeri dört ayda bir Rum, Fransız ve İngiliz lisânlarıyla bir mecmûʻa neşret- mekdedir. Yunan Hükûmeti, Salîb-i Ahmer'in memlekete îfâ etdiği hidemât-ı meşkûresini takdîren tah- sîsât-ı seneviye olarak 2.000.000 drahmiyi büdcesine idhâl etmişdir. *** Posta Muhâberâtı Yunan Salîb-i Ahmeri'nin memleket dâhilindeki posta muhâberâtı ücretden istisnâ edilmişdir. _______________ Romanya 3 Nisan 1927 târîhinde inʻikâd eden Romanya Salîb-i Ahmer Meclis-i Umûmîsi müteveffâ Mösyö Alexandre Constantinescu yerine Reîs-i Sânî Mösyö George Balis'i ittifâk-ı ârâ ile Salîb-i Ahmer riyâsetine intihâb etmişdir. ***