HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3514 [421] Ellinci Sene-i Devriye Romanya Salîb-i Ahmeri ellinci devr-i senevîsi münâsebetiyle bir nüsha-i fevkalâde neşretmişdir. Bu nüshaya Salîb-i Ahmer'in 1876'dan başlayan faʻâliyetinin bir târîhçesi ve Osmanlı-Sırp, Bulgar-Sırp, 1913 Balkan Harbi ve Harb-i Umûmî faʻâliyeti ve 1919'dan iʻtibâren sulh mesâʻî ve icrââtının bir hulâsası derc edilmişdir. Romanya Salîb-i Ahmeri 1918 târîhinden iʻtibâren teşkîl etdiği seyyâr sıhhiye takımlarıyla memleketin her tarafında frengi ve emrâz-ı sâriyeye karşı şiddetli bir mücâdeleye girişmiş ve köylere varıncaya kadar emrâz-ı mezkûre mihrâklarını taharrî ve edviye-i lâzıme tevzîʻ etmiş ve bu uğurda 3.000.000 leva sarf eylemişdir. 1921 senesi başlangıcında Romanya Salîb-i Ahmeri veremin taht-ı tehdîdinde bulunan çocuk- lar için sâhilde taʻtîl kolonileri teşkîl etmiş ve 1922'de malaryalı menâtıkda sâkin ahâlîye yardımda bulunmuşdur. Hastahânelerle müessesât-ı hayriyeye ve mekteb kolonilerine Salîb-i Ahmer tarafından aynen ve nakden yapılan muʻâvenet 2 milyon levadan fazladır. 1925 senesi feyezânlarına ve Bakan şehri yangınına ahâlînin teberruʻâtıyla 610.000 leva mik- dârında bir meblağ ve 250.000 leva kıymetinde elbise tevzîʻ etmişdir. 1922 senesinde teşkîl edilen Gençlik Salîb-i Ahmeri mekteblerde faʻâl bir propaganda yapmak- da ve mekteb çocuklarına hıfzıssıhha prensipleri ile vezâif-i medeniyeye dâir maʻlûmât verilmekde- dir. Gençlik Salîb-i Ahmeri bu şeylerden başka mekteblere sıhhat oyunlarını ve muʻâvenet-i tıbbiyeyi de idhâl etmiş ve taʻtîl kolonileri ve mekteb kantinleri açmışdır. Mekteblilerin memâlik-i ecnebiyedeki mekteb çocukları ile teʼsîs etdiği muhâberât kâfi dere- cede inkişâf etmişdir. Cenûbî Amerika, İngiltere, Belçika, Kanada, Hükûmât-ı Müttehide-i Amerika, İtalya, Japonya, İsveç, Çekoslovakya ile muhâberâtda bulunan mekteblerin adedi el-yevm yüze bâliğ olmakdadır. 1923 senesinden beri intişâr eden Gençlik Salîb-i Ahmeri Mecmûʻası 'nın aded-i tabʻı 5.000'dir. _______________ Almanya Salîb-i Ahmer Günü Alman Salîb-i Ahmeri, 12 Haziran'ı Salîb-i Ahmer Günü iʻlân etmişdir. _______________ Belçika Salîb-i Ahmer Haftası Bu sene Belçika Salîb-i Ahmer Haftası 3-10 Nisan'da icrâ edilmişdir. _______________