HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3542 Hilâl-i Ahmer Sanʻatevi'ndeki Eşyâ Büyük bir zarâfet ve mahâretle hâzırlanmış bedîʻî bir meşher teşkîl etmekdedir. Geziniz, görü- nüz, alınız. Cağaloğlu'nda Hilâl-i Ahmer İstanbul Merkezi binâsının bir tarafında mütevâzıʻ ve sessiz ça- lışan Hilâl-i Ahmer Sanʻatevi, Hilâl-i Ahmer'in en eski bir sanʻat yuvasıdır. Memleketin yüksek ve hayırlı işlerle uğraşmağı emel edinen hanımları ve ferdlerinden müntehab bir heyʼet tarafından idâre edilen bu müessese millî nakışlarımızı, el işlerini idâmeye muvaffak olmakdadır. Uzun senelerden beri memleketin en sıkıntılı ve buhrânlı zamânlarında bile muhtâc [442] ve kimsesiz yetîm kızlara, yoksul dullara el işlerini öğreterek hayâtlarını şeref ve nâmûsla kazanmağı teʼmîne uğraşan müessese bugün yüze yakın şehîd ve muhâcir kızlarına, kadınlarına yardım etmeğe çalışmakdadır. Hilâl-i Ahmer Sanʻatevi işçilerinden bir grup Groupe de travailleuses de lʼouvroir du C.R.T. à Constantinople Çarşıiçi'ndeki meşheretde, merkez binâsındaki satış odasında, limana gelen seyyâh vapurların- da tertîb olunan seyyâr sergilerde, Pera Palas'da, büyük küçük blüzler, çocuk esvâbları, maşlahlar, mendil ve peçeteler, kıymetli işlemeli örtüler, nefîs çay takımları teşhîr edilmekle berâber Ameri- ka'dan vesâir ecnebî memleketlerden ve Mısır'dan alınan sipârişlere göre hâzırlanan ve takdîri celb eden maʻmûlâtı ecnebî diyârlara satmakla müessese aynı zamânda millî ve şerefli bir vazîfe de îfâ etmiş oluyor. Bu münâsebetle müessesenin işçilerinden bir grubun işledikleri ve diktikleri el işlerini gösteren fotoğrafîyi derc ediyoruz. Muhterem halkın selîm olan zevkine arz edilen bu maʻmûlâtın gördüğü ve görmesi arzu edilen tezâyüd-i rağbetle bu sanʻat yuvasının daha ziyâde büyüyerek pek çok kimsesiz işçilere yardımlarını teşmîl etmesini temenî ederiz. _______________