HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3547 beyân etsinler. Bu sûretle müzâkere daha sühûletle yapılmış olur. Bugünkü müzâkeremize burada nihâyet veriyoruz. Yarın sâʻat on dörtde ictimâʻ etmek üzere celseyi taʻtîl ediyorum". İkinci İctimâʻ Birinci Celse 24 Nisan 1927, Pazar Bedʼ-i müzâkerât, sâʻat 14 dakîka 20 Reîs: Kâzım Paşa Kâtibler: Ruşen Eşref Bey (Afyonkarahisar), Tevfik Fikret Bey (Konya) Reîs: "-Kongre açılmışdır, efendim. Bugünkü rûznâmemizde raporlar üzerinde tedkîkâtda bulu- nan kongre aʻzâsı teklîfâtda bulunacak ve raporlar üzerinde mütâlaʻât dermeyân edilecekdir. Aynı zamânda bunlar hakkında ittihâz-ı karâr edilecekdir. Ondan sonra merkez-i umûmî aʻzâsı- nın intihâbı var. Vakit kalırsa rûznâmenin diğer mevâddına devâm ederiz. Şimdi iki takrîr var, okunacakdır. Diğer takrîrler de rûnâmemizdeki teklîfât mâddesine geldiği- miz zamân okunacakdır. 1926 senesi merkez-i umûmî raporu hakkında mütâlaʻa dermeyân edecek var mı? (Hayır sesle- ri) O hâlde raporun tasvîbini reʼyinize arz edeceğim". Sıhhiye Vekîli Refik Bey: "-Efendim, icrââtımız hakkında merkez-i umûmî tarafından heyʼet-i celîleye bir rapor takdîm edilmişdir. Aynı raporun mütemmimi olmak üzere tedkîk heyʼeti tarafından 1926 sene-i mâliyesi zarfındaki muʻâmelâtı muhtevî rapor ve yeni senenin büdcesi takdîm edilmiş- dir. Bunların içinde bütün teferruʻât vardır. Reʼye koyarken bu ikisini ayrı ayrı reʼye koymak lâzım gelecekdir". Reîs: "-Efendim, bu raporu kabûl edip etmemek mesʼelesi değildir. Tasvîb mâhiyetindedir ve büdcede kabûl kaydıyla reʼye konulacak. Bunun için tensîb buyurursanız evvelâ 1926 senesi mer- kez-i umûmî raporunun tasvîbini reʼye arz edeyim. (Muvâfık sesleri) Rapor hakkında mütâlaʻa yok mu? (Hayır sesleri) Raporu tasvîb buyuranlar el kaldırsın. Tasvîb edilmişdir. 1926 senesi meclis-i umûmî tedkîk komisyonu raporu: Bunu da aynı vechile tasvîb edilip edilme [448] diğini anlamak üze- re reʼye vazʻ ediyorum". Ahmed Remzi Bey (Gaziayıntab Mebʻûsu): "-Efendim, bu rapor iki kısımdan ibâretdir. Birisi merkez-i umûmînin senelik muʻâmelâtını, bilançosunu tasdîk mâhiyetindedir. Diğeri de evvelki mer- kez-i umûmî hesâbâtının tasfiyesi mesʼelesidir. Binâenaleyh her ikisinin ayrı ayrı reʼye koyulması muvâfık olur, kanâʻatindeyiz. Çünkü ikinci kısımda bilhâssa mahsûb edilmesi, terkîn edilmesi ve taʻkîb olunması lâzım gelen makâdîr vardır. Bunlar Ankara murahhaslığı hesâbâtı ile Ayıntab anbâr- ları hesâbıdır. Bunları[n] ayrı ayrı reʼye konması muvâfıkdır". Reîs: "-Rapor hakkında îzâhât verecek misiniz?" Ahmed Remzi Bey: "-Hayır efendim. Raporda tafsîlât vardır. Arzu buyurulursa veririm". Sıhhiye Vekîli Refik Bey: "-Efendim, tedkîk encümeni arkadâşlarımızın raporlarında yalnız bir