HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3550 bulunduğuna nazaran kendisinin vazîfesi kalmayan ve muhâsebenin hesâb kısmına da şâmil olmayan bir müdürün vazîfesi çok mahdûd kalacakdır ve böyle bir müdürün tavzifi heyʼet-i idâre ve bilhâssa kâtib-i umûmîlik ve riyâsetin yapacağı muhâberât işlerinde vazʻiyeti teşvîş edecekdir. Binâenaleyh mevcûdiyeti zâid görülüyor. Bu iʻtibârla bu müdür kelimesinin 69'uncu mâddeden tayyını teklîf etdik. Buna mukâbil büdcemizde mevcûd olan yani bu müdüre tahsîs edilmiş olan maʻâşın müfettişler mâd- desine naklini ricâ ediyoruz. Geçen sene dört tâne müfettişimiz vardı. Dört mıntıkaya taʻyîn edilmiş- lerdi. Kendilerinden çok istifâde etdik. Binâenaleyh bu müdür kelimesinin tayyından sonra nakli ile iki müfettişlik daha ihdâsını teklîf etdik ve heyʼet-i celîleden ricâ etdik. Başka maʻrûzâtım yokdur". Reîs: "-Başka mütâlaʻa var mı efendim? Refik [451] Beyefendi'nin îzâhâtı vechile yeni büdce fasıl fasıl tesbît edilmiş ve bir fasıldan diğer fasla münâkale icrâsı kabûl edilmemişdir. Yalnız aynı faslın mâddeleri arasında münâkaleyi kabûl etmişlerdir. Bu esâs kabûl edildiğine göre her faslın ayrı ayrı reʼye konup kabûl edilmesi iktizâ eder ki, usûle muvâfık olsun. Münâsib görürseniz her faslın yekûnu okunsun ve iʻtirâz edilmiş olmadıkça kabûl edilmiş telâkkî edilerek…" Doktor Fikret Bey (Ertuğrul Mebʻûsu): "-Efendim, bir teklîf vardı. Büdceye taʻalluk etdiği için onu reʼye koyarsanız büdceyi ona göre tashîh ederiz". Reîs: "-Hangi fasılda ise o faslın müzâkeresinde reʼye koyarız". Sıhhiye Vekîli Refik Bey: "-Birinci fasıldadır". Masârıfât Büdcesi Birinci Fasıl: İdâre-i Merkeziye 50.916 lira "-Meclis-i Umûmî Riyâset-i Celîlesi'ne, Dört mıntıkaya ayrılan müfettişliklerin altıya iblâğıyla yeniden ilâve olunacak iki müfettiş maʻâşının büdcedeki müdür maʻâşının müfettişlik faslına alınması sûretiyle münâkalesini merkez-i umûmî nâmına arz ve teklîf eyleriz, efendim. 23 Nisan 1927 Merkez-i Umûmî Reîsi Doktor Refik " Reîs: "-Takrîri reʼyinize arz ediyorum. Kabûl edenler lütfen ellerini kaldırsın. Kabûl edilmiş- dir". "-Meclis-i Umûmî Riyâset-i Celîlesi'ne, Nizâmnâme-i esâsî mûcebince heyʼet-i idâre merkez-i umûmînin vâsıta-i icrâiyesi olarak îfâ- yı vazîfe eylemesine mebnî imzâ salâhiyeti bulunmayan ve bir senedir icrâ kılınan tecârübe nazaran zâid olduğu tahakkuk eden nizâmnâmenin 61'inci mâddesinin 9'uncu fıkrasındaki müdür kelimesinin tayyını merkez-i umûmî nâmına arz ve teklîf eylerim, efendim. 23 Nisan 1927 Merkez-i Umûmî Reîsi Doktor Refik "