HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3551 Tedkîk encümeni aʻzâsından Remzi Bey: "-Efendim, yanlışlık olmasın diye iki müfettişe üç yüz lirayı nısf olarak yani yüz ellişer lira olarak vereceğiz. Bunu tashîh edelim". Reîs: "-Efendim, bu takrîri kabûl ederseniz o vakit tashîhâtı yapacağız. Takrîri kabûl buyuranlar ellerini kaldırsın. Kabûl edilmişdir. Şimdi kabûl edilen bu iki takrîre göre birinci faslın yekûnunda tebeddül var mı?" Sıhhiye Vekîli Refik Bey: "-Yokdur efendim. Yalnız mâddelerde tebeddülât vardır". Remzi Bey: "-Paşa hazretleri! Faslın yekûnunda tebeddülât olmayacakdır. Ancak kadroda bir müdür kaldırılıp yerine iki müfettiş taʻyîn kılınacakdır". Reîs: "-Efendim, takrîrler kabûl edildiğine göre maksad hâsıl olmuşdur. Faslın yekûnu hakkın- da başka mütâlaʻa var mı? Mütâlaʻa yokdur. Birinci fasıl yekûnu kabûl olunmuşdur". Fasıl 2: Eskişehir Anbârı, 29.520 lira Reîs: "-Mütâlaʻa var mı? Kabûl edilmişdir". Fasıl 3: Mecmûʻa İdâresi, 2.700 lira Reîs: "-Mütâlaʻa var mı? Kabûl edilmişdir". Fasıl 4: Hastabakıcı Mektebi, 13.010 lira Reîs: "-Mütâlaʻa var mı? Kabûl edilmişdir". [452] Fasıl 5: Masârıf-ı İdâre, 5.500 lira Reîs: "-Mütâlaʻa var mı? Kabûl edilmişdir". Fasıl 6: Eskişehir Anbârı, 12.500 lira Reîs: "-Mütâlaʻa var mı? Kabûl edilmişdir". Fasıl 7: Mecmûʻa, 3.100 lira Reîs: "-Mütâlaʻa var mı? Kabûl edilmişdir". Fasıl 8: Bakıcı Mektebi, 32.240 lira Reîs: "-Mütâlaʻa var mı? Kabûl edilmişdir".