HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3554 7 Masraf büdcesinde muharrer bir hizmetin îfâsı için mevcûd ve müddehar malze- meden sarfiyât vukûʻ bulduğu takdîrde bu malzemenin mâliyet fiyâtı üzerinden mukâbili olan mikdâr masraf büdcesinden âid olduğu fasıldan tenzîl edilir. 8 Eşyânın hidemât-ı muhtelife için vukûʻ bulacak nakil ve ambalaj masrafı bu hizmet- lere âid fasıllardan tesviye edilir. 9 Merkez-i umûmî 1927 senesinden evvelki devre-i hesâbiyelere âid olup hesâbâtı 1928 senesinde alınabilen merâkiz ve şuʻabât hesâbâtının büdcedeki fasl-ı mahsû- suna îrâd ve masraf kaydına meʼzûndur. 10 Vâridât büdcesinde muharrer müsâmere, Çiçek Günü, şefkat pulları, iʻlâmât ve ev- râk-ı mehâkim hâsılâtı fasıllarından teʼmîn edilecek vâridâtın cibâyeti için % 20'den fazla olmamak üzere masraf ihtiyârı câizdir. Bunun için masraf kısmında bir fasl-ı mahsûs açılarak tahakkuk edecek masârıf bu fasla kayıd ve sarf olunur. 11 Efrâd veya müessesât tarafından tevdîʻ edilecek emânât büdceye taʻalluk etdiril- meksizin ahz ve iʻâde ve herhangi bir hizmet için vukûʻ bulacak tevdîʻât kezâlik aynı kayıd ile kabûl ve maksad ve hidemât îfâ edilir. 12 1926-1927 senesi büdcesinin inşâât tahsîsâtından sarf edilmeyen kısım 1927-1928 senesi devre-i hesâbiyesi zarfında sarf edilebilir. 13 Eskişehir anbârına merbût iʻmâlâthânelerinde kadro hârici istihdâmına lüzûm görü- len müstahdemîn ücûrâtıyla masârıfı 16'ncı fasıldan teʼdiye edilir. 14 Büdcenin fasılları dâhilinde mâddeden mâddeye tahsîsât nakline heyʼet-i idârenin teklîfiyle merkez-i umûmî meʼzûndur. 15 Şartnâmesine tevfîkan işletdirilecek maʻden [454] suyu zimmet ve matlûbu bakıy- yesi tahsîsât-ı âidesine îrâd ve masraf kaydedilir. (Birinci mâdde okundu.) Reîs: "-Efendim, birinci mâdde büdcenin vâridâtına müteʻallikdir ve evvelce kabûl olunmuşdur". (İkinci mâdde okundu.) Reîs: "-Efendim, bu da reʼyinize arz edilmiş ve kabûl olunmuşdur". (Üçüncü mâdde okundu.) Reîs: "-Mütâlaʻa var mı efendim? Kabûl edenler el kaldırsın. Kabûl olunmuşdur". (Dördüncü mâdde okundu.) Reîs: "-Mütâlaʻa var mı efendim? Kabûl edenler el kaldırsınlar. Kabûl olunmuşdur". (Beşinci mâdde okundu.) Reîs: "-Mütâlaʻa var mı efendim? Kabûl edenler el kaldırsınlar. Kabûl olunmuşdur". (Altıncı mâdde okundu.) Reîs: "-Mütâlaʻa var mı efendim?" Hakkı Tarık Bey: "-Efendim, bu mâdde ile merkez-i umûmîye emvâl-i gayr-ı menkûleden cemʻi- yete fâidesi görülmeyenlerin satılması hakkında salâhiyet veriliyor. Acabâ şimdiye kadar cemʻiyete âid binâların ne kıymetde olduğunu veyâhûd içlerinde bazılarının ne olduğunu söyleyebilirler mi?" Hilâl-i Ahmer Muhâsebecisi Ziya Bey: "-Beyefendiler! Tedkîk encümeni raporunda göste- rildiği üzere cemʻiyetin 156.902 lira kıymetinde emvâl-i gayr-ı menkûlesi vardır. Onlardan birisi