HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3556 sonra mütehassıs bir zâtın da celbi ile bilhâssa Alaşehir suyunun teressübâtı husûsu tedkîk edilerek memlekete hemen hemen hâricden maʻden suyu getirtmeyecek derecede sâf ve güzel bir maʻden suyu teʼmîn olunacakdır. Bundan cemʻiyete epey mühim bir vâridât hâsıl olacağı meʼmûldür". Reîs: "-Başka mütâlaʻa var mı efendim? (Hayır sesleri) Mâdde kabûl olunmuşdur. Taʻlîmâtnâmenin bütün mâddeleri birer birer reʼye vazʻ edildi ve kabûl olundu. Şimdi rûznâ- menin yedinci mâddesine geldik. 7-Merkez-i umûmî aʻzâsından beş zâtın kurʻa ile ihrâcı ve yerlerine aʻzâ intihâbı Sıhhiye Vekîli Refik Bey: "-Paşa hazretleri! Merkez-i umûmî aʻzâsının isimleri tamâmıyla yazılarak fişler içinde hâzırlanmışdır. Nizâmnâmeye nazaran geçen sene beş zâtın ismi çekilmişdi. Binâenaleyh onlar dâhil olmamak üzere diğer 25 zâtın ismi burada mevcûddur. Arzu buyurulursa buradan çekilsin". Kılıç Ali Bey: "-O hâlde isim okumağa hâcet yokdur". Reîs: "-Kaç kişinin mevcûd olması lâzım?" Hakkı Şinasi Paşa: "-25 kişi mevcûd olmak lâzımdır". Reîs: "-Kurʻayı çekiyoruz, efendim. Kınacızâde Şakir Bey (Ankara Mebʻûsu), Emin Bey (Es- kişehir Mebʻûsu), Hanifzâde Ahmed Bey (Tüccâr), Ali Bey (Ankara Mebʻûsu), Doktor Asım Bey (Sıhhiye ve Muʻâvenet-i İctimâʻiye Vekâleti Hıfzıssıhha Müdür-i Umûmîsi). Efendim, yeni aʻzânın intihâbı için bütün arkadâşlar düşünmek üzere celseyi beş dakîka taʻtîl ediyorum". *** (İkinci Celse, Kâzım Paşa hazretlerinin riyâsetinde açıldı.) Reîs: "-Müzâkereye başlıyoruz, efendim. Merkez-i umûmî aʻzâsından bâ-kurʻa çıkarılan beş zâtın yerine diğer beş zât reʼy-i hafî ile intihâb olunacakdır. Reʼylerinizi istiʻmâl buyurunuz". Kâzım Hüsnü Bey: "-Reʼy-i işârî ile yapsak olmaz mı paşa hazretleri?" Reîs: "-Hayır! Reʼyinizi istiʻmâl ediniz, daha iyi… [456] Efendim, reʼylerini vermeyenler varsa lütfen reʼy versinler. Ârâ istihsâli hitâm bulmuşdur. Netîceyi arz ediyorum: Afyonkarahisar Mebʻûsu Ali Bey 54, Kocaeli Mebʻûsu Safvet Bey 54, Eskişehir Mebʻûsu Emin Bey 54, Hanifzâde Ahmed Bey 54, Asım İsmail Bey 54 reʼy ile merkez-i umûmî aʻzâlığına intihâb olunmuşlardır. Zâten 54 reʼy varakası vardır. Şu hâlde müttefikan intihâb edilmişdir. Rûznâmemizde sene-i âtiye tedkîk komisyonu aʻzâsının intihâbı vardır". Hakkı Tarık Bey: "-Efendim, geçen sene intihâb edilen tedkîk komisyonunun gayret ve muvaf- fakiyeti bize verdiği eserle sâbitdir. Onun için heyʼet-i aliyyenize teklîf ediyorum. Geçen sene intihâb edilen aʻzâyı tekrâr tedkîk komisyonuna reʼy-i işârî ile intihâb edelim". (Muvâfık sesleri) Reîs: "-Geçen seneki tedkîk komisyonu aʻzâları Kâzım, Galib ve Remzi Beylerdir. Bu zevâtın tekrâr tedkîk komisyonuna intihâbı teklîf olunuyor. Ayrı ayrı reʼyinize arz edeceğim. (Üçünü birden sesleri) Peki! Üçünü birden. Remzi, Galib ve Kâzım Beylerin tekrâr tedkîk komisyonuna intihâblarını kabûl edenler lütfen el kaldırsın. Müttefikan kabûl edilmişdir".