HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3557 Hakkı Şinasi Paşa: "-Efendim, iki tâne de aʻzâ-yı muʻâvine vardır. Onların da ibkâsını teklîf ederim". Reîs: "-Efendim, ihtiyât aʻzâ geçen sene Karahisarışarki Mebʻûsu İsmail Bey ile Konya Mebʻû- su Fuad Bey'di. Bu sene kimleri intihâb edeceksiniz? (Yine onları sesler[i]) Karahisarışarki Mebʻusu İsmail ve Konya Mebʻûsu Fuad Beylerin muʻâvin aʻzâlığa intihâbını kabûl edenler el kaldırsın. Müttefikan kabûl olunmuşdur. Efendim, rûznâmemizin 9'uncu mâddesinde 'teklîfât' vardır. Bazı takrîrler geldi, okunacakdır". "-Hilâl-i Ahmer Meclis-i Umûmîsi Riyâset-i Muhteremesi'ne, Çankaya, 23 Nisan [1]927 Sıhhî bir maʻzeretin bendenizi müzâkerâta iştirâk şerefinden mahrûm bırakmakda olduğunu arz eder, muhterem heyʼete muvaffakiyetler diler, hürmetlerimi takdîm eylerim, efendim. Trabzon Mebʻûsu Nebîzâde Hamdi " *** "-Riyâsete, Geçen sene kongresinde bayram günlerinde şefkat pullarının postahânelerde mecbûriyyü'l-is- tiʻmâl olması, sinema filmi, oyun kâğıdı ve takvîm imtiyâzlarının cemʻiyetimize verilmesi hakkında sâbık Beyoğlu Murahhası ve lâhık Üçüncü Mıntıka Müfettişi Hekîmbaşızâde Muhyiddin Bey'in ve mûmâileyhe iltihâk eden bazı rüfekâsının vermiş oldukları takrîr üzerine lede'l-müzâkere kabûl ve intâcına âid muʻâmelâtın da merkez-i umûmîmize havâle edildiği maʻlûmdur. Şâyân-ı şükrândır ki, merkez-i umûmî bu karârı taʻkîb ederek bazı mevâddını intâc etmiş ve diğerlerini de intâc etmek üze- re bulunmuşdur. Bu gibi mühim menâbiʻ-i vâridâtın tevâlîsine vesîle ve medâr-ı teşvîk olmak üzere cemʻiyetimize vâridât bulmuş ve bulacak olan zevâta buldukları vâridât nisbetinde bir ikrâmiye iʻtâ edilmesi husûsunda merkez-i umûmînin salâhiyetdâr kılınmasını ricâ ederim, efendim. İstanbul Murahhası Müderris Doktor Hamdi Suad " [457] Reîs: "-Efendim, bu takrîr hakkında mütâlaʻa var mı?" Rahmi Bey: "-Paşa hazretleri doğru değildir". Reîs: "-Buyurun Rahmi Bey, kürsüden söyleyiniz". Rahmi Bey: "-Efendiler! Hilâl-i Ahmer Cemʻiyeti bütün milletin alâkadâr olacağı bir cemʻiyet- dir. Her ferdin bu cemʻiyete maʻnen, mâddeten hizmet etmesi bir borçdur. Binâenaleyh muʻâvenet buldum diye mükâfât vermeğe kalkışılırsa iyi bir yol açmış olmayız. Bundan sarf-ı nazar edelim". Reîs: "-Başka mütâlaʻa var mı efendim?"