HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3558 Doktor Hamdi Suad Bey: "-Efendim, takrîrimi geri alıyorum". *** "-Hilâl-i Ahmer Meclis-i Umûmîsi Riyâset-i Aliyyesi'ne, Senelik meclis-i umûmîde muhtelif vilâyât murahhaslarının hem çok gelebilmelerini teşvîk etmiş ve hem de Hilâl-i Ahmer veznesinin büyük menfaʻatini bâdî olacağından bayramlarda umûma yapıldığı gibi yalnız ictimâʻ müddetine mahsûs olmak üzere şimendifer ve vapurlar gibi vesâit-i nak- liyede tenzîlât yapılmasını teʼmîn zımnında Hükûmet-i Cumhûriyemiz nez[di]nde tavassut ve delâlet buyurulmasını istirhâm eyleriz. Isparta Hüseyin Hüsnü İstanbul Murahhası Kütahya Mebʻûsu Mehmed Rıza İstanbul Murahhası Hamdi Suad " Reîs: "-Efendim, takrîr hükûmet nezdinde bir teşebbüs icrâsından ibâretdir. Tensîb ederseniz merkeze tevdîʻ edelim. (Muvâfık sesleri) Takrîr merkeze tevdîʻ olunmuşdur. Hilâl-i Ahmer İstanbul Merkezi murahhasları âtîdeki husûslara âid temennîlerinin heyʼet-i umûmiyeye arzıyla bir karâra rabtını teklîf ederler: "-1- Hilâl-i Ahmer Gazetesi Geçen seneki meclis-i umûmîye takdîm edilen muhtırada bayramlarda İstanbul'da neşredilmek- de olan Hilâl-i Ahmer gazetesinin İstanbul merkezi tarafından neşrine müsâʻade istenilmiş ve esâsen her merkeze şâmil olup İzmir merkezince bir müddet tatbîk ve istifâde edilen gazete neşri hakkından istifâde tabîʻî görülerek meʼmûl-i hâsılât olmak üzere geçen seneki büdcemizde mevzûʻ paranın mer- kez-i umûmîce tasdîki de bu müsâʻade talebine bir istinâdgâh teşkîl etmişdi. Meclis-i umûmî muh- tırayı merkez-i umûmîye havâle etdi. Bu seneki raporda Hilâl-i Ahmer gazetesinin merkez-i umûmî tarafından neşri esbâb-ı mûcibe beyânıyla bir hak olarak gösterilmekde ve ez-cümle gazetenin yalnız İstanbul'da satılmayıp dört yüze bâliğ olan merkez ve şuʻbeler delâletiyle memleketin en ücrâ kö- şelerine gönderildiği, günde iki defada yirmi beş, otuz bin nüsha basacak matbaʻa henüz Ankara'da bulunmadığı için İstanbul'da bastırıldığı, cemʻiyetin şahsiyet-i maʻneviyesinin nâşir-i efkârı olan ga- zetenin imtiyâzı merkez-i umûmî uhdesinde bulunduğu, İstanbul merkezi tarafından basıldığı hâlde gazetenin diğer merkez ve şuʻbeler maʻrifetiyle teʼmîn-i revâcı mezkûr merkezin salâhiyeti hâricinde kalacağı, bu müsâʻadenin iʻtâsı hâlinde diğer merkezler[de]n de istenileceği serd edilmekdedir. Bu sene Hilâl-i Ahmer gazetesinin dört nüshada ancak yüzde 15-20'si İstanbul hâricinde satıl- mak üzere sevk edilmişdir. Hilâl-i Ahmer gazetesi Ankara'da basılıp İstanbul'a sevk olunsa bu seneki İstanbul satışının -ki aşağıda zikredeceğimiz sebeb dolayısıyla asgarîdir- sülüsünü teʼmîn mümkün olmaz. Çünkü [458] yakından alâkadâr olarak ve posta meʼmûrlarına muʻayyen hisse-i menfaʻati vererek sarfiyâtın tezâ- yüdüne çalışırlar. [2]-Şefkat pullarının kâtib-i adl evrâkı, mekteb şehâdetnâmeleri, nüfûs ve seyâhat cüzdânları, ticâret odaları ve hüviyet varakaları, esnâf tezkereleri vesâir hâtıra gelecek evrâk-ı muʻâmele üzerine