HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3559 ilsâkına çalışılmasını teʼmîn için dâire ve müesseselere, merbût bulundukları vekâletlere mürâcaʻatla teblîgât yapdırılmasını da teklîf ve ricâ ederiz. Muhtelif müessesâta merkezimizin mürâcaʻatlarında aldığımız cevâblar bunun lâzım ve müsmir olacağı kanâʻatini vermişdir. 3-Geçen seneki muhtıramızda kız muʻallim mektebleriyle şimdi ismi yatı mektebine tahavvül eden kız öksüz yurdlarında programlara hastabakıcılık dersleri konulmasını teʼmîn için Maʻârif Vekâ- leti nezdinde teşebbüs icrâsı ricâ edilmişdi. Hastabakıcılık mektebinin sayılı mikdârda yetiştirdiği hemşîre kuvvetlerine îcâbında pek müfîd bir muzâhir kuvvet ve mezkûr mektebe talebe hâzırlayacak bu tedbîrin daha şâmil sûretde kız lise ve orta mektebleri de dâhil olmak üzere tatbîkinin teʼmînini ve hastabakıcılık mektebinin bulunduğu bir harb zamânında gönüllü hastabakıcılık edecek âile hanım- ları için açılması fâideli görülen serbest kurlara devâmı güçleştirecek derecede şehrin merkezlerine uzak olduğundan bu serbest kurların merkezimizde veya Beyoğlu ve Şişli şuʻbelerimizden birinde açılmasını teʼmîn için levâzım-ı teʼsîsiyeye sarf olunmak üzere merkez-i umûmîden sekiz yüz lira tahsîs ve iʻtâsı hakkında makâm-ı müşârunileyhâya vâkiʻ mürâcaʻatımızın tervîc ve tasvîbini temennî ederiz. 4-Kurbân derileri, sadaka-i fıtır ve zekât hâsılâtı Tayyâre ve Himâye-i Etfâl Cemʻiyetleriyle merkez-i umûmîmiz arasında yapılan iʼtilâf mû- cebince bunların Tayyâre Cemʻiyeti tarafından toplanılması ve bir nisbet dâiresinde taksîmi mukar- rerdir. Merkez-i umûmîye de arz etdiğimiz gibi bu hâsılâtın İstanbul merkezi mıntıkasında tahakkuk eden kısmının yüzde kırkı merkezimiz ihtiyâclarına kâbil-i sarf olmak nizâmnâme-i esâsî mûcebince bir hakdır. Aynı mülâhaza iledir ki, muhammen büdcemizdeki teberruʻât faslı tezyîd edilmişdir. Bu husûsun heyʼet-i umûmiyece tasrîhen kabûl ve takrîrini ricâ ederiz. 5-Bakırköy şuʻbemiz aʻzâlarından Naşid Ütücüyan Bey tarafından tertîb olunan numûnesini takdîm etdiğini ve İsviçre'de de tatbîk eylediği haber alınan teberruʻ karnelerinin kabûlüyle tabʻ ve tevzîʻ ve merkez ve şuʻbelerimizin himmetiyle bilhâssa kalabalık şehirlerde sarfının teʼmîn olunma- sına karâr verilmesini ricâ ederiz. Bu karnelerin her varakı yirmi para yâhûd kırk para kıymetinde olacak, üzerine şefkat ve hayır hislerini tahrîk eder renkli bir resim basılacak ve münâsib bir cümle ilâve edilecekdir. Elli varaklı ve böyle renkli resimli bir karnenin külliyetli mikdârda sipâriş olunmak şartıyla aʻzamî üç kuruşa mâl olacağı tedkîkâtımızla anlaşılmışdır. 6-Hilâl-i Ahmer Cemʻiyeti'nin ilk teʼsîs-i ictimâʻı târîhi 14 Nisan 1877 olduğu o zamân Fransız- ca olarak neşrolunan zabıt mecmûʻalarının mütâlaʻasıyla anlaşılarak bu esâsa nazaran cemʻiyetimizin ellinci yıldönümüne musâdif olan 14 Nisan 1927 târîhinin tesʻîdi düşünülmüş ve bu husûsda merkez-i umûmîmizden müsâʻade istenildiği gibi yapılacak merâsim, icrâât ve neşriyâtın da programı arz edil- mişdi. Bu tesʻîdin gerek [459] gündelik gazetenin ancak çıktığı şehirde çok kârii olur. Hilâl-i Ahmer gazetesi cemʻiyetin şahsiyet-i maʻneviyesinin nâşir-i efkârı ise İstanbul merkezi de o şahsiyet-i maʻ- neviyenin İstanbul'da mümessilidir. İzmir merkezi evvelce Hilâl-i Ahmer gazetesi neşretmiş ve yal- nız vâridât teʼmîn etmediği için devâmdan vazgeçmişdir. İmtiyâzın devri ve Ankara'da neşrolunmak üzere merkez-i umûmî nâmına ayrıca bir Hilâl-i Ahmer gazetesi imtiyâzı alınması kâbil ve kolaydır. İstanbul merkezi gazeteyi neşretdiği hâlde vâridât için en ziyâde şehrin satışına istinâd edeceği gibi hârice sevk için de gazetelerin taʻkîb etdiği yoldan gitmesi ve gazeteyi merkez ve şuʻbelerimizin himmetiyle değil, alelâde bâyiʻler vâsıtasıyla satması pek tabîʻîdir. Bu müsâʻadenin neşir imkânını bulan her merkeze verilmesi Hilâl-i Ahmer propagandası nâmı- na bir fâidedir. Nitekim yukarıda da arz etdiğimiz gibi bunun emsâli de vardır.