HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3560 Maʻrûzât-ı cevâbiyemizin kâfi derecede mukniʻ olduğunu zannetdiğimiz gibi Hilâl-i Ahmer gazetesinin tercîh olunan tarzda bu sene neşrolunan nüshalarının cemʻiyetimizin eline senede iki defa geçen propaganda fırsatından lâyıkı vechile istifâde edilemediğini de ayrıca nazar-ı dikkate arz ederiz. 2-Şefkat Pulları Her merkez mıntıkası dâhilindeki şefkat pulları sarfiyâtından mütevellid hâsılâtın o merkezin vâridâtı addedilmesi husûsundaki teklîfi şekl-i umûmîsi iʻtibârıyla raporda kabûl edilmekde, ancak posta ve telgraf idârelerinin sarf edecekleri şefkat pulları bunun hâricinde tutulmakdadır. Dînî ve millî bayramlarda mektûb ve telgraflara ilsâk olunacak şefkat pulları hâsılâtının Posta ve Telgraf Mü- düriyet-i Umûmiyesince Hilâl-i Ahmer Merkez-i Umûmîsi'ne tevdîʻi kânûnla taʻyîn edildiği cihetle kânûn ahkâmını tatbîk ile mükellef bulunan Posta ve Telgraf Müdüriyet-i Umûmiyesi'yle merkez-i umûmî arasında bu sûretle usûl-i muhâsebe takarrür etdirildiği de sebeb olarak zikrolunmakdadır. Muhtelif yerlerdeki Hilâl-i Ahmer merkez ve şuʻbeleri vezneleri merkez-i umûmî nâm u hesâbına ve onun emriyle tahsîl ve teʼdiye salâhiyetini hâiz olup kânûnun gelmesindeki takyîd buna hâil olamaz. Kasıd, hâsılâtın Hilâl-i Ahmer'e teslîmidir. Posta gişeleri yalnız kânûnen taʻyîn olunan bayram günle- rinde değil, sâir günlerde de şefkat pulu sarfiyâtı yapmakdadır ve bu sarfiyâtın mikdârı muhtelif yer- lerdeki posta meʼmûrlarının bu işe ihtimâmı ve yapacağı teşvîk ile mütenâsib olmak tabîʻîdir. Posta idâresine merkez-i umûmîden şefkat pulları verilmesi evvelâ ve her şeyden mühim olmak üzere bay- ram günleri hâricinde pul sarfiyâtını tenkîs etmekdedir. Çünkü bu tarz-ı tevzîʻde muhtelif yerlerdeki posta meʼmûrları sarfiyâtdan mükâfât hisselerini alamıyorlar ve bi'n-netîce kâfi derecede alâkadâr olmuyorlar. Pullar vaktinde ve lüzûmu mikdârda her yere yetiştirilemediğinden sarfı mümkün bazı yerlerde pul bulunmadığı vâkiʻ oluyor. Bundan başka muhammen büdcelerinde bu noktayı düşünerek pul hâsılâtını tesbît eden şuʻbelerimiz bu şeklin muhammen büdcenin tahakkukuna mâniʻ olduğundan bahisle haklı şikâyetde bulunuyorlar. Teklîfimizin kabûlü takdîrinde Posta ve Telgraf Müdüriyet-i Umûmiyesi'ne mürâcaʻatla her yer- deki posta şuʻbelerine mahallî Hilâl-i Ahmer merkez ve şuʻbelerinden pul tevzîʻâtı yapılacağının ve hâsılâtın da merkez-i umûmî nâm u hesâbına o merkez ve şuʻbelerce tesellüm olunacağının taʻmîmi teʼmîn olunur. Merkez ve şuʻbelerde kendi mahdûd sâhalarında bu işle [460] cemʻiyetimizin ehem- miyet-i mevcûdiyetini ızhâr, gerek bu vesîle ile herkesin nazar-ı dikkat ve alâkasını celb husûsunda fâidesi iʻtibârıyla kıymetini arz u îzâh etmekdense daha geçenlerde Japonya'da aynı vesîle ile yapılan muʻazzam tezâhürleri hâtırlatmakla iktifâ eyliyoruz ve muʻayyen târîh geçmiş olmakla berâber hiç olmazsa bu sene içinde herhangi bir zamânda bu tesʻîdin icrâsına karâr verilmesini teklîf eyliyoruz. Sözü bitirmeden evvel geçen seneki ricâlimizden isʻâf olunan kısımlar için gerek muhtıramızı tasvîben havâle buyuran geçen seneki heyʼet-i muhteremeye gerek merkez-i umûmîmize teşekkürle- rimizi arz ve teʼyîd ederiz. 24 Nisan 1927 İstanbul Murahhası Kütahya Mebʻûsu Mehmed Rıza İstanbul Murahhası Hakkı Tarık İstanbul Murahhası İbrahim Talîʻ İstanbul Murahhası Hamdi Suad İstanbul Murahhası Celâl Sâhir İstanbul Murahhası Ziyaeddin "