HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3570 Hakkı Tarık Bey: "-Bir suâl daha efendim. Farazâ İstanbul dâhilinde sarf edilen pulların mikdâ- rını tesbît etmek, hesâbını yapmak ve onu ayrıca İstanbul merkezine îrâd kaydetmek mümkün değil midir?" Sıhhiye Vekîli Doktor Refik Bey: "-İstediğiniz gibi sarf edersiniz. Biz hesâbını sorarız. Başka bir şey yokdur. İstediniz de verilmedi mi?" Hakkı Tarık Bey: "-Reʼye koymağa hâcet yok. Merkez-i umûmîye tevdîʻ olunursa maksad hâsıl olacakdır". Reîs: "-Kurbân derileri…" Sıhhiye Vekîli Doktor Refik Bey: "-Kurbân derileri mesʼelesini îzâh etdim". Reîs: "-Raporu merkez-i umûmîye tevdîʻ ederiz. Nazar-ı dikkate alırlar. Yalnız Hilâl-i Ahmer'in 50 senesinin tesʻîdi hakkında". Hakkı Tarık Bey: "-Nizâmnâmenin başında sarâhat vardır, efendim". Sıhhiye Vekîli Doktor Refik Bey: "-Esâs iʻtibârıyla bu tesʻîdin yapılmasına biz de tarafdârız. Bunların sûret-i icrâsını karârlaştırmak üzere bize tevdîʻ edersiniz". Reîs: "-O hâlde merkez-i umûmîye tevdîʻ ediyoruz. Rûznâmemizde başka mâdde kalmamışdır. Teklîf de yokdur. Bir telgraf var, okunacakdır". "-Ankara'da Hilâl-i Ahmer Kongre Riyâseti'ne, Hilâl-i Ahmer umûmî kongresinin riyâset-i celîlelerinde ikinci inʻikâdını tebrîk ve netâyic-i hayriye teʼmînine muzâhetlerini temennî ederim. İstanbul Hilâl-i Ahmer Reîsi Tabîb Mîrlivâ Ali " Süleyman Sırrı Bey (Bozok): "-Efendim, kongre zabıtlarını, devâir-i intihâbiyeye göndermek için tabʻı ile tevzîʻini ricâ ederim". Sıhhiye Vekîli Doktor Refik Bey: "-Efendim, bu mesʼele nazar-ı dikkate alınmakdadır. Esâsen Hilâl-i Ahmer Mecmûʻası yla zabıtlar tamâmen tabʻ edilir ve bi'l-umûm merâkize tevzîʻ olunur. Esâ- sen bu cihet öteden beri kabûl edilmişdir". Reîs: "-Efendim, kongrenin vazîfesi hitâm bulmuşdur. Gâyet kısa bir zamânda mesâʻînizin müsmir bir netîceye vâsıl olması aʻzâ-yı kirâmın hüsn-i niyetlerine ve hiss-i vatan-perverânelerine delîldir. Bu sûretle kongrenin muhterem aʻzâsını selâmlarken Hilâl-i Ahmer Cemʻiyeti'ne ve yeni merkez-i umûmîye derʻuhde etmiş oldukları insânî ve kudsî vazîfesinde muvaffakiyetler temennî ederim. (Sürekli alkışlar) –Hitâm-ı Celse– Akrabâ, dost ve âşinâlarınızı Hilâl-i Ahmer'e aʻzâ kaydolunmağa teşvîk ediniz.