HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3582 Ligin 7 Mayıs târîhli umûmî celsesinde 1925 senesinden beri devâm eden icrâât ve mesâʻîsi heyʼet-i umûmiyenin tasdîkine iktirân etdikden sonra imdâd ve muʻâvenet şuʻbesinin mevcûd teş- kîlâtı ibkâ edilmişdir. Teşkîlât-ı mezkûre: Evvelen, beynelmilel bir muʻâvenet merkezini Sâniyen, cemʻ-i vesâik kalemini Sâlisen, propaganda ve istihbârât dâiresini şâmil idi. *** İtalya aʻyân aʻzâsından Sinyör Ciraolo'nun teklîf ve tavsiyesi üzerine dünyânın muhtelif kıtʻa- larında zuhûr eden âfât ve mesâib-i umûmiyenin tahrîb etdiği memleketler hakkında istatistikler tan- zîm ve neşrinin kâbil olup olamayacağının İmdâd ve Muʻâvenet Şuʻbesi tarafından tedkîki ve âfât ve mesâib-i umûmiyeye karşı îfâ edilen muʻâvenâta âid neşriyâtın mezkûr şuʻbe tarafından taʻkîb edilerek hulâsasının teblîği Hıfzıssıhha Şuʻbesi'nin: 1-Hıfzıssıhha İstihbârât ve Propaganda Dâiresi 2-Ticâret-i bahriye hıfzıssıhhasının ıslâhı emrinde Norveç Salîb-i Ahmeri tarafından tanzîm olunan planın mevkiʻ-i tatbîke vazʻına Hıfzıssıhha Şuʻbesi'nin meʼmûr edilmesi 3-Beynelmilel mühim hıfzıssıhha müesseseleriyle irtibât vazîfesini îfâ etmesi takarrür etmiş ve bilhâssa veremle mücâdele maksadıyla Beynelmilel Hıfzıssıhha Ofisi ile yapılan iʼtilâfnâme tasvîb olunmuşdur. *** Hastabakıcılar Şuʻbesi'ne taʻalluk eden umûmî program kabûl ve hastabakıcılık faʻâliyetinin inkişâfına sarf-ı mesâʻî edilmesi ve lig tarafından Londra'da teʼsîs olunan beynelmilel hastabakıcı kurlarının bir kat daha terakkî ve inkişâfı ve diplomalı hastabakıcılar için 1928 senesinde ayrıca diğer bir kur teşkîli tavsiye edilmişdir. *** Gençlik Salîb-i Ahmer aʻzâsından olan çocukların kendi arzularıyla verecekleri iʻânât ve teber- ruʻâtın tenmiyesiyle beynelmilel bir muʻâvenet sermâyesi [480] teşkîline ve bu sermâye ile âfât [ve] mesâib-i umûmiyeden müteessir olan etfâle muʻâvenet edilmesine karâr verilerek keyfiyet berây-ı tedkîk lig kitâbetine havâle olunmuşdur. ***