HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3583 Salîb-i Ahmerlerin târîhini musavver bir filmin tertîbi ve Macaristan Salîb-i Ahmeri'nin teklîfi üzerine bir Salîb-i Ahmer madalyasının ihdâsı mesʼelelerinin tedkîk ve taʻmîki kezâ lig kitâbetine havâle edilmişdir. *** Ligden İstiʻfâ Eden Cemʻiyetler Danimarka, Finlandiya ve İsveç Salîb-i Ahmerleri ligden istiʻfâ etdiklerini meclis-i müdîrâna tahrîren bildirmişlerdir. _______________ Beynelmilel Hastabakıcı Kurları Lig tarafından Redford College'de açılan beynelmilel hastabakıcı kurları tâlibâtının tevzîʻ-i mükâfât resmi 12 Temmuz'da Londra'da icrâ edilecekdir. Diploma ahzına kesb-i ihtihkâk eden 19 tâlibâtdan on birine ziyâretçi hastabakıcı ve sekizine hastabakıcı müdîreliği diploması verilecekdir. 11 ziyâretçi hastabakıcıdan biri Alman, üçü Avustur- yalı, biri Kanadalı, biri Estonyalı, biri Fransız, ikisi İngiliz, biri Çekoslovakyalı, biri Cenûbî Afrika ittihâdına mensûbdur. Hastabakıcı Mektebi müdîrelik diploması alacak sekiz tâlibâtdan üçü Avusturyalı, biri Dani- markalı, biri İspanyol, biri İngiliz, biri Lehli, biri Romanyalı'dır. Macar İctimâʻî Hıfzıssıhha Kursları Macar Salîb-i Ahmeri müddet-i tedrîsiyesi beş ay devâm etmek üzere şehâdetnâmeli hastabakı- cılara mahsûs bir ictimâʻî hıfzıssıhha kursları açmışdır. Bu kursların programı âtîdeki mevâddı muhtevîdir: 1-Macar nizâmât-ı sıhhiyesi 2-Macar dâire-i umûr-ı sıhhiyesi 3-Hıfzıssıhha 4-Tabâbet-i vâkıyede ziyâretçi hastabakıcıların vezâifi 5-Verem mücâdelesinde hastabakıcının vazîfesi 6-Emrâz-ı zühreviye mücâdelesinde hastabakıcı 7-Ziyâretçi hastabakıcı vezâifi 8-Mesâil-i ictimâʻiye ve fukarâya muʻâvenet 9-Ziyâretçi hastabakıcı ve mesâil-i sınâʻiye 10-Hıfzıssıhha tedrîsâtında ziyâretçi hastabakıcının rolü