HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3584 11-İlm-i ahlâk 12-Salîb-i Ahmer Cemʻiyetleri Heyʼet-i İttihâdiyesi 13-Macar İctimâʻî Hıfzıssıhha Enstitüsü 14-Macaristan'da bebeklerin hıfzıssıhhası _______________ Almanya Teşkîlât Alman Salîb-i Ahmeri'nin ahîren neşretdiği [481] bir istatistiğe nazaran hâl-i hâzırda Alman- ya'da 7.200 Salîb-i Ahmer şuʻbesi ve bunların 1.125.000 aʻzâsı ve yekûnu 16.000 yatağa bâliğ olan 304 hastahânesi vardır. Alman Salîb-i Ahmeri ayrıca 556 kreş ve çocuk bakımevi ve çocuk hıfzıssıhha merkezlerini idâre etmekdedir. 26.825 çocuğu himâye ve iʻâşe eden bu müessesâtda 1.112 hastabakıcı çalışmak- dadır. Alman Salîb-i Ahmeri 7.211 hastabakıcıya mâlikdir. Bu hastabakıcılar 1926 senesi zarfında 448.824 vakʻaya müdâhale etmişlerdir. *** Âile Sandığı Samariten Cemʻiyetleriyle sıhhiye kolonilerinin meʼmûrîn ve müstahdemîninden îfâ-yı vazîfe esnâsında dûçâr-ı kazâ olanların tazmîn ve tatmîni maksadıyla Alman Salîb-i Ahmeri ahîren bir âile sandığı teşkîl etmişdir. Şahıs başına Samariten teşkîlâtının veya Salîb-i Ahmer şuʻbesinin senede bir sandığa vereceği meblağ yarım altın markı geçmeyecekdir. Hastalık esnâsında veya bir kazâ vukûʻunda sigorta edilenler günde 1-3 mark tazmînât ala- caklar veya maʻlûliyetlerinin derecesine göre senede 240 ile 960 mark arasında bir maʻâşa müstahık olacaklardır. Vefât vukûʻunda kâbiliyet-i saʻy ve ameli nisbetinde âile efrâdına ayrıca maʻâş verilecekdir. *** Taʻtîl Kolonileri Alman Salîb-i Ahmeri ahîren Taʻtîl Kolonileri nâmıyla bir risâle neşretmişdir. Bu risâleye pre- vantoryumlarla çocuk kolonilerine dâir derc edilen maʻlûmât birçok fotoğrafîlerle tezyîn olunmuşdur. Yarım mark mukâbilinde eserin Alman Salîb-i Ahmeri'nden tedârükü kâbildir. ***