HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3585 Prusya'da Salîb-i Ahmer Faʻâliyeti Prusya Salîb-i Ahmeri'nin neşretdiği raporda 1925-1926 senesi gâyesinde yekûnu 64.860'[a] bâliğ olan 294 şuʻbe ve 41.061 aʻzâsı olan 1.189 sıhhiye kolonileri, 42 hastabakıcı müessesâtı ile diğer müessesât-ı imdâdiye ve 762 aʻzâsı bulunan 9 Samariten Cemʻiyeti kaydedilmekdedir. Yine bu rapora nazaran sıhhiye kolonilerinin umûmî ictimâʻlarda 57.521 vakʻaya müdâhale etdiği ve bir kazâ veya felâket kurbânı olan 116.286 kişiye ilk imdâd ve muʻâvenetde bulunduğu zikredilmekdedir. İmdâd ve muʻâvenet merkezlerinin adedi 941, seyyâr hastahâne 293 ve malzeme anbârı kezâ 293'dür. Prusya Salîb-i Ahmeri muhtelif hastahânelere 8.743 parça levâzım-ı sıhhiye iʻtâ etmişdir. _______________ Şimendiferlerde İlk İmdâd Prusya da Kongsberg sıhhiye koloni hasta veya mecrûh yolcuların tedâvî ve nakli için şimendi- fer garında dâimî bir imdâd merkezi teşkîl etmişdir. Resm-i küşâdı pek yakın bir zamânda icrâ edilmiş olan bu merkezde şimdiye kadar 42 vakʻa tedâvî olunmuşdur. [482] Japonya Hıfzıssıhha Dersleri Japon Salîb-i Ahmeri ellinci devr-i senevîsinin bir hâtırası olmak üzere bütün merâkiz ve şuʻa- bâtında birer hıfzıssıhha kurları teʼsîsini tasavvur etmekdedir. Bu kurlara sinleri on altıdan aşağı olmayan kırk talebe devâm edebilecekdir. Her akşâm üç sâʻat konferans tarzında verilecek dersler bir hafta devâm edecekdir. Konferanslara fizyoloji, usûl-i tathîr, ilk imdâd, hasta müdâvâtı, Salîb-i Ahmer hulâsa-i mesâʻî- si mevzûʻ teşkîl edecek ve konferanslara muntazaman devâm edecek talebeye diploma verilecekdir. Japon ahâlîsinin terbiye-i umûmiyesinde ekseriyâ ihmâl olunan hıfzıssıhha prensipleri Japon Salîb-i Ahmeri tarafından şuʻbeleri vâsıtasıyla tertîb edilecek bu derslerle teʼmîn olunacakdır. _______________ İspanya Ermeni Çocuklarına Muʻâvenet İspanya Salîb-i Ahmeri Ermeni muhâcir çocukları için Beynelmilel Etfâle Muʻâvenet Cemʻiye- ti'ne 2.000 frank göndermişdir. ***