HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3586 Salîb-i Ahmer Pulları Kral On Üçüncü Alphonse'un tahta cülûsunun yirmi beşinci devr-i senevîsi münâsebetiyle İs- panya Salîb-i Ahmeri hâsılâtı müteverrimler menfaʻatine tahsîs edilmek üzere husûsî Salîb-i Ahmer pulları çıkarmışdır. _______________ Yunan Teessüsünün Ellinci Devr-i Senevîsi Yunan Salîb-i Ahmeri'nin ellinci yıldönümü 5 Nisan'dan 12 Nisan'a kadar Atina'da merâsim-i mahsûsa ile tesʻîd eylemişdir. 5 Nisan'da reîsicumhûr, Atina metropolidi ve birçok medʻuvvîn-i mümtâzenin huzûrunda Salîb-i Ahmer reîsi, târîh-i teessüsünden iʻtibâren cemʻiyetin icrâât ve mesâʻîsini ve harb ve sulh zamânlarına âid vezâifini beyân ve îzâh etmişdir. 7 Nisan'da reîsicumhûr, başvekîl ve birçok zevât-ı âliye hâzır bulundukları hâlde hastabakıcı mekteb ve hastahânesinin vazʻ-ı esâsı resmi icrâ edilmişdir. Bu merâsimde Salîb-i Ahmer Heyʼet-i İttihâdiyesi Reîsi Mister Payne nâmına Amerika sefîri hâzır bulunmuşdur. Baʻdehû reîsicumhûr tarafından îrâd olunan nutukda Salîb-i Ahmer'in beşeriyete îfâ etmekde olduğu hidemât bir lisân-ı takdîr ile yâd edilmiş ve Harbiye nâzırı da vakt-i harbde Salîb-i Ahmer'in sıhhiye-i askeriyeye yapdığı muʻâvenete ordunun bir mukâbele-i şükrânı olmak üzere harb madalya- sını Salîb-i Ahmer bayrağına taʻlîk etmişdir. Bu ictimâʻ, yüz elli hastabakıcı ile Gençlik Salîb-i Ahmer aʻzâsının yapdığı bir resm-i geçid ile hitâm bulmuşdur. Ellinci devr-i senevî merâsimine merkez-i umûmî binâsında Gençlik Salîb-i Ahmer aʻzâsının yapdıkları [483] el işleri teşhîr edildikden sonra nihâyet verilmişdir. Atina Akademisi de Salîb-i Ahmer'e "fazîlet ve fedakârlık mükâfâtı"nın bir kıtʻa altın madalya- sını iʻtâ etmişdir. _______________ Bulgar Muʻâvenet Amerika Salîb-i Ahmer Reîsi ve Salîb-i Ahmerler Heyʼet-i İttihâdiyesi Meclis-i Müdîrân Reîsi Mister Payne, Bulgar muhâcirleri için 500 dolar teberruʻ etmişdir. _______________